Ang Rewards for Justice ay naghahandog ng gantimpalang hanggang $5 milyon para sa impormasyon tungkol kay Issa Jimaraou, para sa kanyang pakikibahagi sa pag-atake sa Tongo Tongo, Niger noong 2017. Si Issa Jimaraou ay isang miyembro ng ISIS-Greater Sahara (ISIS-GS) at pinaniniwalaang tauhan ng mga tenyente ng ISIS-GS na sina Ousmane Illiassou Djibo na kilala rin bilang si Petit Chapori, at Issa Barrey.
Noong Oktubre 4, 2017, malapit sa nayon ng Tongo, Tongo, Niger, inatake ng mga militanteng nauugnay sa ISIS-GS ang pangkat ng U.S. Special Forces na may tungkuling sanayin, payuhan, at tulungan ang mga puwersa ng Nigeria sa paglaban sa terorismo. Ang pag-atake ay nagresulta sa mga pagkamatay ng apat na sundalong Amerikano at apat na sundalong Nigerien. Dalawang karagdagang Amerikano at walong Nigerien ang nasugatan sa enkwentro. Noong Enero 12, 2018, inamin ng lider ng ISIS-GS na si Adnan Abu Walid al-Sahrawi ang responsibilidad sa pag-atake.
