Ang Rewards for Justice ay naghahandog ng gantimpalang hanggang $10 milyon para sa impormasyon tungkol kay Hafiz Saeed, ang tagapagtatag at lider ng Lashkar-e Tayyiba (LeT), isang itinalaga ng Estados Unidos na Foreign Terrorist Organization (FTO, Banyagang Teroristang Organisasyon). Si Saeed ay nakibahagi sa pagpaplano ng 4-na-araw na teroristang pag-atake sa Mumbai, India noong November 2008 kung saan 166 na indibidwal ang namatay, kabilang ang mga Amerikano.

Noong 2020, si Saeed ay hinatulan ng isang hukuman ng Pakistan na kontra-terorismo sa maraming beses na pagpinansya sa terorismo at hinatulan siyang mabilanggo. Ang Estados Unidos ay patuloy na naghahanap ng impormasyon tungkol kay Saeed dahil pinalaya ng sistemang hudisyal ng Pakistan ang mga hinatulang lider at operatiba ng LeT noong nakaraan.

Noong Mayo 27, 2008, itinalaga ng U.S. Department of Treasury si Saeed bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Saeed na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Saeed. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa FTO na LeT. Noong Disyembre 10, 2008, si Saeed ay inilista sa United Nations 1267/1989 al-Qa’ida Sanctions Committee bilang isang indibidwal na nauugnay sa teroristang organisasyong al-Qa’ida at, samakatwid, sumasailalim sa mga pandaigdigang parusa.