Ang Rewards for Justice ay naghahandog ng gantimpalang hanggang $2 milyon para sa impormasyon tungkol kay Hafiz Abdul Rahman Makki na kilala rin bilang si Abdulrahman Maki. Ginampanan ni Makki ang iba’t ibang papel sa pamumuno sa loob ng Lashkar-e-Tayyiba (LeT), isang itinalaga ng Estados Unidos na Foreign Terrorist Organization (FTO, Banyagang Teroristang Organisasyon). May papel din siyang ginampanan sa paglikom ng mga pondo para sa mga operasyon ng LeT.

Noong 2020, si Makki ay hinatulan ng isang hukuman ng Pakistan na kontra-terorismo sa isang beses na pagpinansya sa terorismo at hinatulan siyang mabilanggo. Ang Estados Unidos ay patuloy na naghahanap ng impormasyon tungkol kay Makki dahil pinalaya ng sistemang hudisyal ng Pakistan ang mga hinatulang lider at operatiba ng LeT noong nakaraan.

Noong Nobyembre 4, 2010, itinalaga ng U.S. Department of Treasury si Makki bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Makki na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Makki. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa FTO na LeT.