Ang Rewards for Justice ay naghahandog ng gantimpalang hanggang $10 milyon para sa impormasyong mauuwi sa paggambala sa mga mekanismong pampinansyal ng Hizballah. Si Ali Saade ay isang tagapinansya sa Hizballah na nagpapatakbo sa Guinea. Sinisimulan ni Saade ang paglipat ng pera mula sa Guinea patungong Hisballah, na inililipat ang mga pondo sa pamamagitan ng mga kinatawan ng Hizballah sa Guinea at Lebanon.
Nito lamang 2020, isang grupo ng mga negosyanteng Lebanese na nakabase sa Guinea, kabilang si Saade at ang tagapinansya ng Hizballah na si Ibrahim Taher ang lumipad mula Guinea patungong Lebanon sa isang espesyal na paglipad dala ang malaking halaga ng pera. Sinabi ng grupo na ang pera ay pantulong sa sitwasyong COVID-19 sa Lebanon kung kaya nakaiwas ito sa pagsisiyasat. Ginamit na dati bilang pantakip na dahilan ang tulong para sa COVID-19 para sa paglilipat ng mga pondo mula sa Guinea patungong Lebanon para sa Hizballah.
Pinaghihinalaan si Saade sa paggamit ng mga bangkang pangisda para sa ilegal na aktibidad gaya ng pagbebenta ng droga.
Noong Marso 4, 2022, itinalaga ng U.S. Department of Treasury si Saade bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito, dahil sa materyal na pagtulong, pagtaguyod, o pagbibigay ng pinansyal, materyal, o panteknolohiyang suporta para sa, o mga gamit o serbisyo sa o bilang pagsuporta sa, Hizballah. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Saade na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Saade. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa Hizballah, isang itinalaga ng Estados Unidos na Foreign Terrorist Organization (Banyagang Teroristang Organisasyon).
