Ang Rewards for Justice ay naghahandog ng gantimpalang hanggang $3 milyon para sa impormasyon tungkol kay Abdikadir Mohamed Abdikadir na kilala rin bilang si Ikrima. Si Abdikadir ay isang nakakataas na lider ng al-Shabaab at nagsilbi bilang Puno ng mga Operasyon at Lohistika. Iniutos din ni Abdikadir ang nakaraang plano ng pag-atake para sa al-Shabaab. Pinag-ugnay niya ang pagrekrut sa mga kabataang taga-Kenya sa al-Shabaab at pinamunuan ang puwersa ng mga mandirigmang taga-Kenya ng al-Shabaab sa Somalia.
Noong Agosto 6, 2021, itinalaga ng U.S. Department of State si Abdikadir bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Abdikadir na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Abdikadir. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa Al-Shabaab, isang itinalaga ng Estados Unidos na Foreign Terrorist Organization (Banyagang Teroristang Organisasyon).
