MGA PINAKABAGONG BALITA

Qasim al-Rimi

Hanggang $10 Milyong Gantimpala

Si al-Rimi ay hinirang na emir ng AQAP noong Hunyo 2015 kaagad pagkatapos niyang sumumpang magiging tapat sa lider ng al-Qa’ida na si Ayman al-Zawahiri at tumawag ng panibagong mga pag-atake laban sa Estados Unidos. Sinanay ni Al-Rimi ang mga terorista sa isang kampo ng al-Qa’ida sa Afghanistan noong mga taong 1990, at tapos ay bumalik siya sa Yemen para maging komander ng militar ng AQAP. Sinentensyahan siyang mapreso ng limang taon noong 2005 sa Yemen para sa kanyang pagpaplanong patayin ang Embahador ng Estados Unidos sa Yemen, at nakatakas noong 2006. Si al-Rimi ay kasangkot sa pag-atake sa Embahada ng Estados Unidos sa Sana’a noong Septiyembre 2008 na pumatay sa 10 gwardiyang Yemeni, apat na sibilyan, at anim na terorista. Si al-Rimi ay kasangkot rin sa tangkang suicide bombing noong Disyembre 2009 ng “underwear bomber” na si Umar Farouq Abdulmutallab sa isang eroplanong patungong Estados Unidos. Noong 2009, pinaratangan siya ng gobyerno ng Yemen na nagpapalakad ng isang kampo ng pagsasanay ng al-Qa’ida sa Abyan province ng Yemen.

(Buong Teksto »)

Khalid Saeed al-Batarfi

Hanggang $5 Milyong Gantimpala

Si Khalid al-Batarfi ay isang nakatataas na miyembro ng AQAP sa Hadramaut Governorate ng Yemen at dating miyembro ng shura council ng AQAP. Noong 1999, siya ay pumunta sa Afghanistan, na kung saan siya nagsanay sa al-Farouq camp ng al-Qa’ida. Noong 2001, siya ay sumali sa Taliban na lumaban sa mga sundalo ng Estados Unidos at ang Northern Alliance. Noong 2010, si al-Batarfi ay sumali sa AQAP sa Yemen, na pinamumunuan ng mga lumalaban para sa AQAP sa pagsakop sa Abyan Province ng Yemen, at hinirang siya ng AQAP bilang emir ng Abyan. Nang namatay ang lider ng AQAP na si Nasir al’Wuhayshi noong Hunyo 2016 na resulta ng pag-istrayk ng militar ng Estados Unidos, siya ay nagpahayag ng babala na sisirain ng al-Qa’ida ang ekonomiya ng Estados Unidos at aatakihin nito ang iba pang mga interes ng Estados Unidos.

(Buong Teksto »)

Abdullah Ahmed Abdullah

Hanggang $10 Milyong Gantimpala

Si Abdullah ay isang nakatataas na lider ng al-Qa’ida at miyembro ng konseho ng mga pinuno ng al-Qa’ida, ang “majlis al-shura.” Si Abdullah ay isang opisyal na may karanasan sa pananalapi, bilang tagapamagitan, at tagaplano ng mga operation ng al-Qa’ida.

Si Abdullah ay sinakdal ng isang grand jury ng hukumang pederal noong Nobyembre 1998 para sa kanyang ginampanan noong Agosto 7, 1998 sa mga pagbomba ng mga embahada ng Estados Unidos sa Dar es Salaam, Tanzania at Nairobi, Kenya. Ang mga pag-atake ay pumatay sa 224 na sibilyan at nakapinsala sa higit sa 5,000 iba pa.

Noong mga taong 1990, si Abdullah ay nagbigay ng mga pagsasanay na militar sa mga operatibo ng al-Qa’ida at mga tribo sa Somalia na lumaban sa mga sundalo ng Estados Unidos sa Mogadishu noong panahon ng Operation Restore Hope. Mula 1996 hanggang 1998, siya ang namahala sa iba’t ibang mga kampo para sa pagsasanay sa Afghanistan.

(Buong Teksto »)

Sayf al-Adl

Hanggang $10 Milyong Gantimpala

Si Al-Adl ay isang nakatataas na lider ng al-Qa’ida at miyembro ng konseho ng mga pinuno ng AQ, ang “majlis al-shura.” Si Al-Adl ang pinuno rin ng komiteng militar ng al-Qa’ida.

Si Al-Adl ay sinakdal ng isang grand jury ng hukumang pederal noong Nobyembre 1998 para sa kanyang ginampanan noong Agosto 7, 1998 sa mga pagbomba ng mga embahada ng Estados Unidos sa Dar es Salaam, Tanzania, at Nairobi, Kenya. Ang mga pag-atake ay pumatay sa 224 na sibilyan at nakapinsala sa higit sa 5,000 iba pa.

Dati siyang tinyente koronel ng Egyptian Special Forces hanggang inaresto siya noong 1987 kasama ang ibang libu-libong militante na laban sa gobyerno, pagkatapos ng tangkang pagpatay sa interior minister ng Egypt

Noong kasing aga ng 1990, si al-Adl at mga iba pang operatibo ng al-Qa’ida ay nagbigay ng pagsasanay na militar at intelligence sa iba’t ibang bansa, kabilang ang Afghanistan, Pakistan, at sa Sudan, para sa al-Qa’ida at sa mga grupong kasapi nito, kabilang ang Egyptian Islamic Jihad.

(Buong Teksto »)

Abdul Wali

Hanggang $3 Milyong Gantimpala

Si Abdul Wali ang lider ng Jamaat ul-Ahrar (JuA), isang pangkat militante na sangay ng Tehrik-e-Taliban Pakistan (TTP). Sinasabing siya ay namamahala mula sa Nangarhar Province at Kunar Province ng Afghanistan.

Sa ilalim ng pamamahala ni Wali, ang JuA ang isa sa mga pinaka-aktibong TTP network sa Punjab Province at inaangkin ang maraming suicide bombings at iba pang mga pag-atake sa lahat ng dako ng Pakistan.

Noong Marso, 2016, nagsagawa ang JuA ng isang suicide bombing sa isang paradahang pangmadla sa Lahore, Pakistan na pumatay sa 75 tao at puminsala sa 340.

(Buong Teksto »)

Mangal Bagh

Hanggang $3 Milyong Gantimpala

Si Mangal Bagh ang lider ng Lashkar-e-Islam, isang pangkat militante na sangay ng Tehrik-e-Taliban Pakistan (TTP). Ang pinagkakakitaan ng kanyang grupo ay ang pagbebenta ng droga, smuggling, kidnapping, mga pananalakay sa mga convoy ng NATO, at paniningil ng mga buwis sa mga kalakalang sa pagitan ng Pakistan at Afghanistan.

Si Bagh ay lider ng Lashkar-e-Islam magmula 2006 at malimit na nagbabago ng kanyang mga kanegosyo para protektahan ang mga ilegal pinagkakakitaan habang pinatutupad ang napakahigpit na bersiyon ng Deobandi Islam sa kinokontrola niyang mga lugar ng silangang Afghanistan at kanluraning Pakistan lalo na ang Nangarhar Province, Afghanistan.

(Buong Teksto »)

Ahlam Ahmad al-Tamimi

Hanggang $5 Milyong Gantimpala

Si Ahlam Ahmad al-Tamimi, isang Jordanian, na kilala rin sa mga ngalang “Khalti” at “Halati,” ay isang nahatulang teroristang operatibo ng HAMAS.

Noong Agosto 9, 2001, hinatid ni al-Tamimi ang isang bomba at isang HAMAS suicide bomber sa isang siksikang Sbarro pizzaria sa Jerusalem na kung saan pinasabog ng bomber ang mga bomba na pumatay ng 15 tao, kabilang ang pitong bata. Dalawang Amerikano ang napatay sa atake – si Judith Shoshana Greenbaum, isang buntis na 31 taong gulang na titser mula sa New Jersey, at si Malka Chana Roth, 15 taong gulang. Higit sa 120 iba pa ang nasaktan, kabilang ang apat na Amerikano. Inamin ng HAMAS na sila ang may kagagawan sa pagbomba.

(Buong Teksto »)

Talal Hamiyah

Hanggang $7 Milyong Gantimpala

Si Talal Hamiyah ang pinuno ng External Security Organization (ESO) ng Hizballah, na may mga organized cells sa lahat ng dako ng daigdig. Ang ESO ng Hizballah ang responsable sa pagplano, koordinasyon, at pagpapatupad ng mga terrorist attack sa labas ng Lebanon. Ang target ng mga attack ay mga Isreli at mga Amerikano.

Noong Septiyembre 13, 2012, si Talal Hamiyah ay hinirang ng Department of Treasury ng Estados Unidos na isang Specially Designated Global Terrorist (SDGT) alinsunod sa Executive Order 13224 dahil sa kanyang pagsuporta sa mga gawaing terorista ng Hizballah sa Middle East at sa buong daigdig.

(Buong Teksto »)

Fuad Shukr

Hanggang $5 Milyong Gantimpala

Si Fuad Shukr ay isang matagal nang nakatataas na tagapayo sa Secretary General tungkol sa mga gawain ng Hizballah. Si Shukr ay isang nakatataas na operative sa commander ng mga puwersa ng Hizballah sa southern Lebanon. Siya ay naglilingkod sa pinakamataas na militar ng Hizballah, ang Jihad Council.

Ang mga trabaho ni Shukr para sa at sa ngalan ng Hizballah ay nagtatagal ng higit sa 30 taon. Siya ay isang malapit na kaibigan ng yumaong Hizballah commander na si Imad Mughniyah. Si Shukr ay isa sa mga nagplano at nagpatupad ng pagbomba sa barracks ng U.S. Marine Corps sa Beirut, Lebanon noong Oktubre 23, 1983, na pumatay ng 241 service personnel ng Estados Unidos.

(Buong Teksto »)

Muhammad al-Jawlani

Hanggang $10 Milyong Gantimpala

Si Muhammad al-Jawlani, na kilala rin sa ngalang Abu al-Julani, Muhammad al-Golani, at kilala rin sa ngalang Muhammad al-Julani, ay ang nakatataas na lider ng teroristang organisasyong, al-Nusrah Front (ANF), ang sangay ng al-Qa’ida sa Syria. Noong Abril, 2013, si al-Jawlani ay nanumpang magiging tapat sa al-Qa’ida at sa lider nitong si Ayman al-Zawahiri. Noong Hulyo 2016, pinuri ni Ayman al-Zawahiri ang al-Qa’ida at si al-Zawahiri sa isang online video at sinabi na papalitan ng ANF ang pangalan nito sa Jabhat Fath Al Sham (“Conquest of the Levant Front”). Sa ilalim ng pamumuno ni al-Jawlani, nagsagawa ang ANF ng maraming atakeng terorista sa lahat ng dako ng Syria, na mga sibilyan ang madalas na tinatarget. Noong Abril 2015, ang ANF ay di-umano’y kinidnap, at pagkatapos ay pinalaya mula sa isang checkpoint sa Syria ang humigit kumulang sa 300 Kurdish na sibilyan. Noong Hunyo 2015, inako ng ANF ang pagpatay sa 20 residente sa Druze village Qalb Lawzeh sa Idlib province, Syria. (Buong Teksto »)

Pagpatay kay Joel Wesley Shrum

Taizz, Yemen | Marso 18, 2012

Noong Marso 18, 2012, si Shrum, 29 taong gulong, ay binaril at napatay ng isang lalaking nakamotorsiklo na sinabayan ang kanyang sasakyan nang siya ay patungong trabaho sa Taizz, Yemen. Sa panahon ng kanyang pagkamatay, si Shrum ay nagtatrabaho sa International Training and Development Center bilang administrador at titser ng Ingles. Nakatira siya noon sa Yemen kasama ang kanyang asawa at dalawang batang anak. Mga ilang araw pagkatapos ng pag-atake, inako ng teroristang organisasayong al-Qaida in the Arabian Peninsula (AQAP) na sila ang pumatay sa kanya. Ang Rewards for Justice Program ng Department of State ng Estados Unidos ay naghahandog ng hanggang $5 milyon pabuya para sa impormasyong magbibigay daan sa pag-aresto o paghatol ng maysala sa mga taong pumatay, nagplano, o tumulong sa pagpatay ng Amerikanong si Joel Shrum. (Buong Teksto »)

Abu Bakr al-Baghdadi

Hanggang $25 Milyong Gantimpala

Si Abu Bakr al-Baghdadi, na kilala rin sa ngalang Abu Du’a, sa ngalang Ibrahim ‘Awwad Ibrahim ‘Ali al-Badri, ay ang nakatataas na lider ng teroristang organisasyong State of Iraq and the Levant (ISIL). Mas lalong naragdagan ang pagiging mapanganib ni al-Baghdadi mula noong unang alok ng $10 milyong gantimpala ng Department of State para sa impormasyo na magbibigay sa kanyang kinaroroonan, pag-aresto, at paghatol ng maysala, nang pinahayag ito noong 2011. Noong Hulyo 2014, inagaw ng ISIL (na kilala ring Da’esh) ang pag-kontrol sa mga bahagi ng Syria at Iraq, pinahayag ang pagtatag ng isang Islamic caliphate, at ginawang caliph si al-Baghdadi. Sa mga nakaraang taon, sumanib sa ISIL ang mga grupong jihadist at mga taong radical na mula sa lahat ng dako ng mundo, at nakapagbigay-buhay sa mga pag-atake sa Estados Unidos. (Buong Teksto »)

Gulmurod Khalimov

Hanggang $3 Milyong Gantimpala

Dating koronel ng special operations, komandante ng pulis, at sniper ng militar sa Tajikistan. Si Gulmurod Khalimov ay isang miyembro at recruiter ng Islamic State of Iraq and the Levant (ISIL). Siya ang dating komandante ng isang bukod tanging paramilitary unit sa Ministeryong Panloob ng Tajikistan. Si Khalimov ay lumabas sa isang propaganda video na kinukumpirmang lumalaban siya para sa ISIL at pinahayag niya sa madla ang mga nais niyang karahasan laban sa mga Amerikano. (Buong Teksto »)

Abu-Muhammad al-Shimali

Hanggang $5 Milyong Gantimpala

Ang nakatataas na Hepe ng Islamic State of Iraq and the Levant (ISIL) na si Tirad al-Jarba, mas kilala sa ngalang Abu-Muhammad al-Shimali, ay nalalamang may kaugnayan sa ISIL, na dating kilalang al-Qaida sa Iraq, magmula 2005. Siya ngayon ay isang importanteng opisyal ng Immigration and Logistics Committee ng ISIL, at ang tumutulong sa pagbibiyahe ng mga teroristang mula sa (Buong Teksto »)

Pangangalakal sa Langis at mga Antigo na Pakikinabangan ng Islamic State of Iraq and the Levant (ISIL)

The Rewards for Justice program ay naghahandog mga gantimpala na hanggang $5 milyon para sa impormasyon na magbibigay daan sa malaki-laking pagkakapahinto ng pagbebenta at/o pangangalakal ng langis at mga antigo ng, para, sa ngalan, o na pakikinabangan ng teroristang grupo na Islamic State of Iraq and the Levant (ISIL), na kilala rin sa Arabong acronym na DAESH. (Buong Teksto »)