Abaalmarinta Caddaalaadda ayaa bixinaysa abaalmarin gaaraysa illaa $10 milyan oo ay siinayo ciddii keenta xog ku saabsan Sirajuddin Haqqani, oo sidoo kale loo yaqaano Sirajuddin Haqqani iyo Khalifa. Sirajuddin waa hoggaamiye muhiim ah oo ka tirsan Shabakada Xaqqani Network (HQN), oo ah Urur Argaggixiso Shisheeye ee uu Maraykanku u aqoonsaday (FTO). Inta hoggaanka uu hayay, HQN waxay qorsheeyeen oo ay fuliyeen tiro badan oo afduubyo ah iyo weeraro lagu qaaday Xooggaga Isbaheysiga iyo Mareykanka ee jooga Afghanistaan, iyo sidoo kale dowladda Afghaan iyo bartilmaameedyo dhanka shacibka ah. Sannadkii 2015-kii, Sirajuddin waxaa loo magacaabay ku-xigeenka hoggaamiyaha Taliban, isagoo xoojinaya isbahaysiga ay la leeyihiin HQN iyo Taliban.
Inta lagu jirey wareysigii uu siiyay ururada warbaahinta Mareykanka, Sirajuddin wuxuu qirtay inuu qorsheynayay weerarkii 14 bisha Janaayo, 2008 ee lagu qaaday Hoteelka Serena oo ku yaal Kabul, Afghanistan, halkaas oo lagu dilay lix qof, oo uu ku jiro muwaadin Mareykan ah oo lagu magaabi jiray Thor David Hesla. Sidoo kale Sirajuddin wuxuu qirtay inuu qorsheeyay isku daygii shirqoolka dhacay bishii Abriil 2008 ee la damacsanaa Madaxwaynaha Afghan Xamiid Karzai.
Taariikhdu markay ahayd 11ka bisha Maarso, 2008, Waaxda Arrimaha Dibadda ee Maraykanka ayaa Sirajuddin Haqqani waxay u magawday inuu yahay Argaggixiso Caalami oo si Gaar ah u Magacaaban markii loo hiigsaday Amarrada Dowliga ee 13224, sida la baddalay. U aqoonsigan, iyo cawaaqibyada kale darteed, dhammaan hantida, iyo danaha hanti, ee Sirajuddin hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay Sirajuddin la sameeyaan. Taa waxaa raacsan, waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo FTO ga HQN.
