Shabakada Haqqaani (HQN) waa urur mintidiin ah oo ka howlgala wadamada Afgaanistaan iyo Pakistaan oo la aasaasay dhamaadki sannadkii 1980kii. HQN waxay qorsheeyeen oo ay fuliyeen weeraro tiro badan iyo afduubyo lagu qaaday Xooggaga Isbaheysiga iyo Mareykanka ee jooga Afghanistaan, iyo sidoo kale dowladda Afghaan iyo bartilmaameedyo dhanka shacibka ah. Bishii Juun 2012, weerar ismiidaamin ah oo HQN ay ku qaadeen saldhig ciidamada Maraykanka ay ku leeyihiin magaalada Khost ee dalka Afgaanistaan, ayaa waxaa lagu dilay laba askari oo Maraykan ah, waxaana lagu dhaawacay in ka badan 100 kale. Saraakiisha Afghanistaan ayaa ku eedeeyay inay ka dambeeyeen kooxda HQN inay mas’uul ka tahay qarax gaari xamuul ah oo bishii Maajo 2017 ka dhacay magaalada Kabul kaasoo ay ku dhinteen in ka badan 150 qof. HQN ayaa la rumeysan yahay inay mas’uul ka ahayd qaraxii dhacay bishii Janaayo ee sannadkii 2018-kii ka dhacay magaalada Kabul oo ay ku dhinteen in ka badan 100 qof. Saraakiisha dalka Afgaanistaan ayaa sidoo kale ku eedeeyay ururka HQN inay mas’uul ka ahaayeen weerar bishii Janaayo 2018 lagu qaaday Hotel Intercontinental ee magaalada Kabul oo ay ku dhinteen 22 qof.

Taariikdu markay ahayd 19ka bisha Seteember, 2012, Wasaarada Arimaha Dibadda ee Mareykanka ayaa HQN u magacaabay inay yihiin Urur Argaggixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, sida wax laga beddelay. Markeedii hore, taariikhdu markay ahayd 7da bishii Seteember, 2012, Waaxda Arrimaha Dibadda ee Maraykanka ayaa HQN waxay u magawday inay yihiin Argaggixiso Caalami oo Gaar ah markii loo hiigsaday Amarrada Dowliga ee 13224, sida la baddalay. Tan awgeed, dhammaan hantida, iyo danaha hanti, ee HQN, hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay HQN la sameeyaan. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo HQN.