Barnaamijka Abaalmarinta Caddaalaadda ayaa bixinaysa abaalmarin gaaraysa ilaa $10 milyan qofkii keena xog horseedaysa in carqaladeyn lagu sameeyo qaabka dhaqaale ee ururka Xizballah.

Nazem Saciid Axmed waa maalqabeen caan ah oo fadhigiisu yahay dalka Lubnaan oo waana maalgeliyaha weyn ee kooxda Xisbullah.

Axmad waa mid ka mid ah deeq-bixiyayaasha ugu sarreeya ee Xisbullah, isaga oo dhaqaale ka soo saara xiriirkii dheeraa ee uu la lahaa ganacsiga “dheemanka dhiigga”. Hizballah waxay u adeegsataa Axmad iyo shirkadihiisa si lacag aad u badan ay isugu kala xawilaan kooxda argagixisada ah. Dabayaaqadii sanadkii 2016-kii, Axmad waxaa loo aqoonsaday inuu yahay deeq-bixiye dhaqaale oo weyn oo Xisbullah kaas oo lacag u soo mariyey shirkadihiisa Xisbullah oo si shakhsi ah dhaqaale u siiyey Xoghayaha Guud ee Xizballah Hasan Nasrallah. Axmad waxa kale oo uu ku lug lahaa xatooyo ku soo gelinta “dheemanka dhiigga”oo uu hore ganacsiyo ugu lahaa Belgium oo ay ka faa’iidaysteen kooxda Xisbullah.

Axmad wuxuu dhaqaalihiisa gaar uu ku kaydiyaa farshaxan qiimahiisa sareeyo oo wuxuu isku dayaya inuu ka dhuunto saamaynta cunaqabataynta ay ku soo rogtay dowladda Maraykanka, waxa uuna ka furay goob farshaxan oo ku taal Beirut isaga si lacagaha isu dabamariyo. Axmad wuxuu qabaa oo uu urursaday farshaxan badan oo gaaraya tobanaan milyan oo doollar, oo ay ku jiraan farshaxannada ay sameeyeen Pablo Picasso iyo Andy Warhol, farshaxannadaas oo intooda badan lagu soo bandhigay badhigyadiisa iyo gurigii uu ku lahaa Beirut. Iyadoo uu u soo maro isugudbin lacago aad u tiro badan iyo macaamil maaliyadeed oo sharci darro ah, Axmad wuxuu isku dayay inuu hantidiisa ka ilaaliyo inuu ka bixiyo canshuuraha sharciga ah. Isaga ka qarinaya dowladda Lubnaan lacagaha sharci darada uu ku helay, Axmad wuxuu dowladda iyo dadka Lubnaaniista uu u diiday dakhli canshuureed oo aad loogu baahnaa iyadoo waddanku uu wajahayo caqabado dhaqaale oo daran.

Taariikhda markay ahayd 13ka, bishii Diseembar, 2019, Waaxda Maaliyadda ee dowladda Mareykanka ayaa Axmad ku dartay magacyada Argagixisada caalamiga liiskaaga oo si gaar ah loogu talagalay iyada oo la raacayo Amarka Fulinta ee xeerka 13224 isaga oo agab ahaan ku caawiyay, kafaala qaaday, ama bixiyay taageero maaliyadeed, mid agab, ama tignoolajiyad, ama alaab ama adeegyo ama si kale kooxda Xisbullah u taageeray. Magacaabiddan loo magacaabay darteed, iyo cawaaqibyo kale, ayaa waxay dhalisay in hantida iyo danaha hantida kuwa loo qoondeeyay ee ku xiran awoodda Mareykanka waa la xannibay, dadka Mareykankana waxaa guud ahaan laga mamnuucay inuu wax ganacsi dhex maro. Taa waxaa raacsan, waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo Xisbullah, ayaa Mareynka u magawday inay tahay Urur Argaggixiso Shisheeye.