Barnaamijka Abaalmarinta Cadaalaadda ayaa ku yaboohaysa abaalmarin gaaraysa illa $10 milyan ciddi keenta macluumaad ku saabsan Macalin Ayman oo ah hoggaamiyaha Jaysh Ayman. Jaysh Ayman waa unug ka tirsan Al-Shabaab oo weeraro argagixiso ah ka fuliyay Kenya iyo Soomaaliya. 5tii Janaayo 2020-kii, argagixisada al-Shabaab ayaa weerar ku qaaday shaqaale Kenyan iyo Mareykan ah ee ku sugan garoonka Manda Bay, Kenya. Halkaas oo ay ku dileen labo duuliye oo qandaraasleyaal Mareykan ahaa iyo khabiir Mareykan ahaa hagaha taraafikada hawada. Sidoo kale, qandaraasle saddexaad oo Maraykan ah iyo laba kale oo ka tirsan ciidamada Maraykanka ayaa ku dhaawacmay weerarka.
Macalin Ayman wuxuu masuul ka ahaa diyaarinta weerarkii Janaayo 2020-kii. Bishii Nofeembar 2020-kii, Wasaaradda Arrimaha Dibadda ee Mareykanka waxay u magacawday Ayman inuu yahay Argaggixiso Caalami oo Gaar ah markii loo hiigsaday Amarrada Dowliga ee 13224, sida la baddalay.
Xarunta Manda Bay waa saldhig militari oo ay leeyihiin ciidamada Difaaca Kenya oo ay isticmaalaan ciidamada qalabka sida ee Mareykanka si ay u siiyaan tababaro iyo taageero la dagaallanka argagixisanimada xulafadooda ee ku sugan Bariga Afrika, gurmaadka dhibaatooyinka, iyo ilaalinta danaha Mareykanka ee mandaqada.
