Jabhadda Al-Nusrah (ANF) ayaa la aasaasay dabayaaqadii sannadkii 2011-kii markaas oo hoggaamiyihii Al-Qaacidada Ciraaq (AQI) ee xilligaas Abuu Bakar Al-Baqdaadi uu u diray hoggaamiyaha ANF Muhammad al-Jawlaani si uu u abaabulo unugyo argaggixiso. Bishii Abriil 2013, al-Jawlaani waxa uu daacad u ahaa hoggaamiyaha AQ Ayman al-Zawahiri. ANF waxay ka go’day AQI waxayna noqotay urur madaxbannaan. Bishii Jannaayo 2017, ANF waxa ay ku biirtay dhawr kooxood oo kale oo mayal adag si ay u samaysteen Hay’aat Taxriir al-Sham (HTS). ANF waxay weli hoostimaadaa kooxda al-Qaacidada Suuriya.
Hadafka ANF ayaa lagu sheegay inuu yahay in meesha laga saaro maamulka Asad ee Suuriya, laguna badalo Dawlad Islaami ah oo Sunni ah. ANF waxay ku ururtay oo ay maamushaa qayb ka mid ah dhulalka waqooyi-galbeed ee Suuriya, halkaas oo ay ka tahay xoog mucaarid, waxayna ku leedahay heerar kala duwan oo saamayn ku leh maamulka maxalliga ah iyo shirqoollada dibadda. ANF waxay Suuriya oo dhan ka fulisay dhowr weeraro argaggixisanimo ah, kuwaas oo inta badan lala beegsaday dad rayid ah.
Taariikdu markay ahayd 15ka bisha Maajo, 2014, Wasaarada Arimaha Dibadda ee Mareykanka ayaa ANF u magacaabay inay yihiin Urur Argaggixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, sida wax laga beddelay. Markeedii hore, Taariikhdu markay ahayd 14ka bisha Maajo, 2014, Waaxda Arrimaha Dibadda ee Maraykanka ayaa ANF waxay u magawday inay yihiin Argaggixiso Caalami oo Gaar ah markii loo hiigsaday Amarrada Dowliga ee 13224, sida la baddalay. Tan awgeed, dhammaan hantida, iyo danaha hanti, ee ANF, hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay ANF la sameeyaan. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo ANF.
