Jamaacada Nusrat al-Islam wal-Muslimin (JNIM) ayaa isku tilmaamtay inay yihiin faraca rasmiga ah ee al-Qaacida ee dalka Maali. Sannadkii 2017, Laanta Saxaraha ee al-Qaacida ee Maghrib Islaami, al-Murabituun, Ansar al-Dine, iyo Jabhadda Xoraynta Massina ayaa isu yimid si ay u samaysteen JNIM. Iyagoo ka hawlgalaya dalalka Maali, Niger, iyo Burkina Faso, JNIM waxay mas’uul ka tahay weeraro iyo afduubyo badan. Bishii Juun 2017, JNIM waxay weerar ka geysatay goob loo tamashle tago oo reer Galbeedku ku badan yihiin oo ka baxsan Bamako oo uu mas’uul ka ahaa weerarradii balaarnaa ee la soo agaasimay ee Ouagadougou taariikhdu markay ahayd 2da bisha Maarso, 2018. Bishii Seteember, JNIM waxay miino ku qarxisay bas rakaab ah hoostiisa baskaas oo ku sugnaa bartamaha Maali, halkaas oo ay ku dhinteen 14 qof oo rayid ah 24 kalena ay ku dhaawacmeen.

Taariikdu markay ahayd 6da bisha Seteember, 2018, Wasaarada Arimaha Dibadda ee Mareykanka ayaa JNIM u magacaabay inay yihiin Urur Argaggixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, sida wax laga beddelay. Markeedii hore, taariikhdu markay ahayd 5ta bishii Seteember, 2018, Waaxda Arrimaha Dibadda ee Maraykanka ayaa JNIM waxay u magawday inay yihiin Argaggixiso Caalami oo Gaar ah markii loo hiigsaday Amarrada Dowliga ee 13224, sida la baddalay. Tan awgeed, dhammaan hantida, iyo danaha hanti, ee JNIM, hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay JNIM la sameeyaan. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo JNIM.