Barnaamijka Abaalmarinta Caddaalaadda ayaa bixinaysa abaalmarin gaaraysa illaa $5 milyan ciddii keenta xog ku saabsan Fuad Mohamed Khalaf, oo sidoo kale loo yaqaan Fuad Shongale. Khalaf waa hoggaamiyaha al-Shabaab, wuxuuna u fududeeyay taageero dhaqaale ururkan uu Maraykanku u aqoonsaday inuu yahay Urur Argaggixiso Shisheeye ee FTO.
Bishii Abriil 2008, Khalaf iyo dhowr qof oo kale waxay hagayeen weerarro loo adeegsaday walxaha qarxa oo lagu qaaday saldhigyada Itoobiya iyo xubno ka tirsan Dowladda Dhexe ee ku Meel Gaarka ah ee Muqdisho, Soomaaliya. Bishii Maajo 2008, Khalaf iyo koox dagaalyahanno ah ayaa weerar ku qaaday oo ay qabsadeen saldhig booliis oo ku yaal magaalada Muqdisho, halkaas oo ay askar badan kaga dileen kuna dhaawacmeen. Isla bishaas, Khalaf waxa uu laba xafladood oo dhaqaale loogu ururinayey al-Shabaab ku qabtay masaajidyo ku yaalada magaalada Kismaayo, Soomaaliya.
Taariikhdu markay ahayd 13ka bisha Abriil, 2010, Waaxda Hanti-dhowrka Mareynaka ayaa Khalaf u magacawday Qaran si gaar ah loo asteeyay iyadoo la raacayo Amarka Fulinta 13536 ka qayb qaadashada rabshadaha iyo sii darida amniga Soomaaliya. U aqoonsigan, iyo cawaaqibyada kale darteed, dhammaan hantida, iyo danaha hanti, ee Khalaf hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay Khalaf la sameeyaan. Taa waxaa raacsan, waa dembi in si oggaal ah loo bixiyo, ama la isku dayo ama la maleego in la bixiyo, taageero maaddi ah loo gudbiyo al-Shabaab, oo loo aqoonsaday sida urur FTO ah.
