Ilaalada Kacaanka Islaamiga ah (IRGC), oo qayb ka ah millatariga rasmiga ah ee Iiraan, ayaa door dhexe ka ciyaara adeegsiga argagixisanimada ee Iran oo ah aalad muhiim u ah dawladda Iran. Kooxda IRGC waxay qorshaysaa, abaabushaa, oo ay fulisaa argaggixisanimada aduunka oo dhan. Intaa waxaa raacsan, IRGC waxay abuurtay, taageertay, oo ay hagtay kooxaha kale ee argagixisada. IRGC waxay mas’uul ka tahay weeraro badan oo lagu bartilmaameedsado Ameerikaanka iyo xarumaha Mareykanka, oo ay ku jiraan kuwa lagu dillay muwaadiniinta Mareykanka. Tan iyo markii la aassaasay sannadkii 1979, IRGC waxay kasbatay door wax ku ool ah fulinta siyaasadda dibadda ee Iiraan. Kooxda ayaa hadda gacanta ku haysa qaybo badan oo ka mid ah dhaqaalaha Iiraan, waxa ayna saamayn ku leeyihiin siyaasadda gudaha ee dalka Iiraan.

Taariikdu markay ahayd 15ka bishii Abriil, 2019, Wasaarada Arimaha Dibadda ee Mareykanka ayaa u magacawday IRGC, oo ay ku jiraan Xooggaga IRGC-Qods Force inay yihiin Urur Argagixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, sida la baddalay. Sanadkii 2017, Waaxda Hanti-dhowrka Mareynaka waxay IRGC u magacaawdayinuu yahay Argagaxiso Caalami oo Gaar ah markii loo hiigsaday Amarrada Dowliga ee 13224, sida la baddallay, dhaqdhaqa taageeradooda ay u hayaan ururka IRGC-QF. Tan awgeed, dhammaan hantida, iyo danaha hanti, ee IRGC, hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay IRGC la sameeyaan. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo IRGC.