Barnaamijka Abaalmarinta Caddaaladda ayaa abaalmarin gaaraysa illa 10 milyan oo doolar siinaysa ciddii keenta xog horseeda carqaladaynta hababka maaliyadeed ee Xisbullah. Cali Sacadeh waa maalgeliyaha Xisbullah oo ka shaqeeya dalka Guinea. Sacadeh waxa uu lacagaha ka soo xawilaa Guinea uu u sii gudbiyaa Xisbullah, iyo wakiillada Xisbullah u fadhiya wadamada Guinea iyo Lubnaan.
Illa 2020kii, koox ganacsato ah oo Lubnaaniyiin ah oo degan Guinea, oo ay ka mid yihiin Sacadeh iyo maalgeliyaha Xisbullah Ibrahim Taher, ayaa ka safray Guinea oo aaday Lubnaan iyaga oo la socdo diyaarad khaas ah oo lacag badan wadata. Kooxdu waxay sheegtay in lacagtaas ay ahayd mid loogu talagalay COVID-19 ee Lubnaan, si laga fogaado in la baaro. Caawinta COVID-19 ayaa horey waxaa loogu isticmaali jiray dabool ahaan si lacagaha Xisbullah laga soo wareejiyo Guinea loona gudbiyo Lubnaan.
Sacadeh waxaa lagu tuhunsan yahay innu u doonyo kalluumeysi ah u adeegsado si sharci darro ah sida ka ganacsiga maandooriyaha.
Taariikdu markay ahayd Maarso 4, 2022, waaxda Khasnadda Mareykanka ayaa Sacadeh u magacawday inuu yahay Argaggixiso Caalami oo si Gaar ah u magacaaban iyadoo la raacayo Amarka Fulinta ee 13224, sida wax laga beddelay, bixinta kaalmo agab ah, kafaala qaado, ama loo bixiyo taageero dhaqaale, qalab, ama farsamo, alaabo, ama adeegyo ama taageero Xisbullah. Magacaabistan iyo cawaaqibka kale, dhammaan hantida iyo danaha Mumtalakat ee Sacadeh ee hoos imaanaya xukunka Mareykanka, waa mamnuuc, dadka Mareykankana waxaa si guud ahaan laga mamnuucay wax ganacsi ah inn ay la sameeyaan. Intaa waxaa dheer, waa dambi in taageero maadi ah ama agab la siiyo Xisbullah, oo ah urur argagixiso shisheeye ah oo uu Maraykanku magacaabay.
