Al-Qaacidada Jaziirada Carabta (AQAP) waa koox xag jir ah oo fadhigeedu yahay dalka Yemen kooxdaas oo soo shaacbaxday bisha Janaayo 2009 ka dib markii ay midoobeen canaasiirta argaggixisada Yemen iyo Sacuudiga. Hadafka AQAP ay dhigaya ama ka kooban in la dhiso khilaafaad iyo in shareecada laga hirgeliyo Jasiiradda Carabta iyo Bariga Dhexe oo dhan. AQAP waxay bartilmaameedsatay danaha maxalliga ah, Maraykanka, iyo reer Galbeedka ee Jasiiradda Carabta dhexyaala, iyo sidoo kale dibadda. Kooxda ayaa sheegatay mas’uuliyadda falal argaggixisanimo oo badan, oo uu ku jiro kii dhacay bishii Janaayo 2015-kii weerar lagu qaaday xafiisyo uu ku lahaa wargeyska Charlie Hebdo ee magaalada Paris oo ay ku dhinteen 12 qof.
AQAP waa urur AQ xiriir la leh iyo amiirka AQAP waxa uu si dhow ula shaqeeyaa hogaanka AQ si loo qorsheeyo weerarada. Bam-gacmeedka AQAP al-Asiri ayaa waxa uu nakhshadeeyay tacadigii la maleegay maalinta Kirismiska 2012-kii ee diyaaradda bambkii nigiska iyo sidoo kale oo uu bambooyinka daabacaadda u soo diray Maraykanka isaga oo u sii maraya.
Taariikdu markay ahayd 19ka bisha Janaayo, 2010, Wasaarada Arimaha Dibadda ee Mareykanka ayaa AQAP u magacaabay inay yihiin Urur Argaggixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, sida wax laga beddelay, iyo sida Argaggixiso Caalami oo Gaar u Magacaaban sida uu dhigayo Amarrada Dowliga ee 13224, sida wax laga beddelay. Tan awgeed, dhammaan hantida, iyo danaha hanti, ee AQAP, hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay AQAP la sameeyaan. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo AQAP.
