Barnaamijka Abaalmarinta Caddaalaadda ayaa bixinaysa abaalmarin gaaraysa illaa 7 milyan oo dollar ku bixinaysa ciddii keenta xog ku saabsan Abu Cubaydah Yusuf al-Anabi, oo sidoo kale loo yaqaan Abu Cubeyda Youssef al-Annabi iyo Yazid Mubarak. Al-Anabi waa hogaamiyaha ururka argaggixisada ah ee al-Qaacidada Maqrib Islam (AQIM). AQIM ayaa ku dhawaaqday in al-Anabi uu yahay hogaamiyaha cusub ee kooxda bishii Nofeembar 2020. Al-Anabi wuxuu ballan qaaday in daacad uu u yahay hoggaamiyaha al-Qaacida oo ah Ayman al-Zawahiri isaga oo ku hadlaya magaca AQIM waxaana la filayaa in uu door ku yeesho maamulka caalamiga ah ee AQ.
Al-Anabi, oo ah muwaadin u dhashay dalka Aljeeriya, waxa uu hore u ahaa hoggaamiyaha golaha caanka ah ee AQIM, wuxuuna ka soo shaqeeyay Golaha Shuurada ee AQIM. Al-Anabi wuxuu hore u ahaa madaxa warbaahinta ee ururka AQIM.
Taariikhdu markay ahayad 9ka bisha Seteember, 2015, Waaxda Arrimaha Dibadda ee Maraykanka ayaa al-Anabi waxay u magawday inay yihiin Argaggixiso Caalami oo Gaar ah markii loo hiigsaday Amarrada Dowliga ee 13224, sida la baddalay. U aqoonsigan darteed, iyo cawaaqibyada kale darteed, dhammaan hantida, iyo danaha hanti, ee al-Anabi hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay al-Anabi la sameeyaan. Taa waxaa raacsan, waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo AQIM, ayaa Mareynka u magawday inay tahay Urur Argaggixiso Shisheeye. Al-Anabi ayaa waxaa taariikhdu markay ahayd 29kii bisha Fibraayo 2016 lagu daray liiska Qaraarka Golaha Ammaanka ee Qaramada Midoobay Qaraar tirsigiisu yahay 1267 (UNSCR 1267) ee cunaqabateynta, taas oo ka dhigaysa in la xayiro hantida caalamiga ah, xayiraad dhanka socdaalka ah iyo in lagu soo rogo cunaqabateyn dhanka hubka ah.
