ريوارڊز فار جسٽس اهڙي ڄاڻ جي فراهمي تي 10 ملين آمريڪي ڊالرن تائين جي انعام جي آڇ ڪري ٿو جنهن جي نتيجي ۾ حزب الله جي مالياتي نظام ۾ رنڊڪ يا خلل پوي. علي سعدي گني ۾ ڪم ڪندڙ حزب الله جو فنانسر آهي. سعدي گني مان حزب الله کي رقم جي منتقلي جي شروعات ڪئي، حزب الله جي نمائندن وسيلي گني ۽ لبنان ۾ فنڊز منتقل ڪيا ويا.
تازو ئي 2020ع ڌاري گني ۾ رهندڙ لبناني واپارين جن ۾ سعدي ۽ حزب الله جو فنانسر ابراهيم طاهر شامل آهن، هڪ خاص اڏام وسيلي وڏي رقم کڻي گني کان لبنان روانا ٿيا. واپارين جي گروپ دعويٰ ڪئي ته رقم لبنان ۾ ڪووڊ-19 سبب امداد هئي ته جيئن جاچ کان بچي سگهجي. ان کان اڳ ڪووڊ-19 جي رليف کي گني کان لبنان ۾ حزب الله کي فنڊن جي منتقلي کي لڪائڻ لاءِ استعمال ٿيندو رهيو آهي.
سعدي تي مڇي مارڻ واريون ٻيڙيون منشيات جي اسمگلنگ سميت غيرقانوني سرگرمين لاءِ استعمال ڪرڻ جو شڪ آهي.
4 مارچ 2022ع تي آمريڪي ناڻي واري وزارت سعدي کي حزب الله لاءِ مادي مدد فراهم ڪرڻ، اسپانسر ڪرڻ، مالي مدد جي فراهمي، مٽيريل يا ٽيڪنالاجي جي سپورٽ فراهم ڪرڻ يا حزب الله کي سامان يا خدمتن جي فراهمي سبب ترميم ٿيل ايگزيڪيوٽو آرڊر 13224 مطابق خاص طور تي نامزد عالمي دهشتگرد طور نامزد ڪيو. ان نامزدگي سبب ٻين نتيجن طور آمريڪا جي دائره اختيار ۾ ايندڙ سعدي جي سموري ملڪيت، ملڪيت ۾ مفاد بلاڪ ڪيا ويا آهن ۽ آمريڪي شهرين تي سعدي سان ڏيتي ليتي ڪرڻ تي پابندي مڙهي وئي آهي. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ سعدي جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي سعدي سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
