القاعدہ ان عربين پينسيولا (اي ڪيو اي پي) يمن جوهڪ انتهاپسند گروپ آهي جيڪو يمني ۽ سعودي دهشتگرد عنصر گڏجڻ کانپوءِ 2009ع ۾ ظاهر ٿيو. اي ڪيو اي پي جو مقصد عربي ٻيٽ تي خلافت قائم ڪرڻ ۽ شرعي قانون لاڳو ڪرڻ آهي ۽ ان کي وچ اوڀر تائين وڌائڻو آهي. اي ڪيو اي پي عربي ٻيٽ توڙي ان کان ٻاهر مقامي، آمريڪي ۽ اولهه جي مفادن کي نشانو بڻايو آهي. هن گروپ ڪيترن ئي دهشتگرد حملن جي ذميواري جي دعويٰ ڪئي آهي جن ۾ جنوري 2015ع ۾ پيرس ۾ طنزيه اخبار چارلي هيبڊو جي آفيسن تي حملو به شامل آهي جنهن ۾ 12 ڄڻا مارجي ويا هئا.
اي ڪيو اي پي جو اي ڪيو (القاعدہ) سان الحاق آهي ۽ اي ڪيو اي پي جو امير حملن جي منصوبابندي لاءِ القاعدہ سان گڏجي ڪم ڪري ٿو. اي ڪيو اي پي بمبار الاسيري ڪرسمس ڏهاڙي جي ايئر لائن تي انڊرويئر بم جي منصوبابندي ڪئي ۽ ڪوريئر ذريعي پرنٽر بم پڻ آمريڪا اماڻيا.
19 جنوري 2010ع تي آمريڪا جي پرڏيهي وزارت اي ڪيو اي پي کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو ۽ ترميم ٿيل ايگزيڪيوٽو آرڊر 13224 تحت خاص طور تي عالمي دهشتگرد نامزد ڪيو. ان جي نتيجي ۾ آمريڪا جي دائره اختيار ۾ ايندڙ اي ڪيو اي پي جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي القاعدہ سان ڪنهن به قسم جي ڏيتي ليتي ڪرڻ تي پابندي مڙهي وئي آهي. اي ڪيو اي پي کي ڄاڻي واڻي سامان يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
