ريوارڊز فار جسٽس اهڙي ڄاڻ جي فراهمي تي 10 ملين آمريڪي ڊالرن تائين جي انعام جي آڇ ڪري ٿو جنهن جي نتيجي ۾ حزب الله جي مالياتي نظام ۾ رنڊڪ يا خلل پوي.
ناظم سعيد احمد لبنان ۾ ترسيل ناميارو مني لانڊرر ۽ حزب الله جو اهم فنانسر آهي.
احمد حزب الله کي سڀ کان وڌيڪ عطيو ڏيندڙن مان هڪ آهي، جيڪو ”بلڊ ڊائمنڊ“ جي واپار سان پنهنجن پراڻن لاڳاپن وسيلي فنڊ پيدا ڪري ٿو. حزب الله احمد ۽ سندس ڪمپنين کي دهشتگرد گروپ لاءِ وڏي رقم کي اڇو ڪرڻ لاءِ استعمال ڪري ٿو. 2016ع جي آخر ڌاري، احمد کي حزب الله جو مک مالياتي عطيو ڏيندڙ سمجهيو ويندو هو جنهن پنهنجي ڪمپنين وسيلي حزب الله لاءِ ڪاري ناڻي کي اڇو ڪيو ۽ ذاتي طور تي حزب الله جي سيڪريٽري جنرل حسن نصرالله کي فنڊز فراهم ڪيا. احمد ”رت هاڻن هيرن“ (بلڊ ڊائمنڊ) جي اسمگلنگ ۾ ملوث رهيو آهي ۽ ان کان اڳ بيلجيم ۾ ڪاروبار هلايو جنهن سان فائدو حزب الله کي فائدو پهتو.
احمد آمريڪي پابندين جي اثرن کان بچڻ لاءِ پنهنجا ڪجهه ذاتي فنڊز قيمتي آرٽ ۾ لڳايا ۽ هن ڪاري ناڻي کي اڇو ڪرڻ لاءِ بيروت ۾ هڪ آرٽ گيلري کولي. احمد وٽ لکين ڊالرن جي ماليت جو هڪ وسيع آرٽ ڪليڪشن آهي، جن ۾ پابلو پڪاسو ۽ اينڊي وارهول جو ڪم به شامل آهي، جن مان ڪيتريون ئي بيروت ۾ سندس گيلري ۽ پينٽ هائوس ۾ نمائش لاءِ رکيون ويون آهن. وڏي رقمن جي منتقلي ۽ غيرقانوني مالياتي ڏيتي ليتي وسيلي احمد پنهنجن اثاثن کي جائز ٽيڪس کان بچائڻ جي ڪوشش ڪئي آهي. لبناني حڪومت کان پنهنجي ناجائز منافعي کي لڪائيندي، احمد حڪومت ۽ لبناني عوام کي شديد نموني گهربل ٽيڪس ريونيو کان محروم ڪري ڇڏيو آهي جڏهن ته ملڪ سنگين اقتصادي چئلينجن کي منهن ڏئي رهيو آهي.
13 ڊسمبر 2019ع تي آمريڪي ناڻي واري وزارت احمد کي حزب الله لاءِ مادي مدد فراهم ڪرڻ، اسپانسر ڪرڻ، مالي مدد جي فراهمي، مٽيريل يا ٽيڪنالاجي جي سپورٽ فراهم ڪرڻ يا حزب الله کي يا ان جي سپورٽ لاءِ سامان يا خدمتن جي فراهمي سبب ترميم ٿيل ايگزيڪيوٽو آرڊر 13224 مطابق خاص طور تي نامزد عالمي دهشتگرد طور نامزد ڪيو. ان نامزدگي سبب ٻين نتيجن طور آمريڪا جي دائره اختيار ۾ ايندڙ احمد جي سموري ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي احمد سان ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
