ريوارڊز فار جسٽس محمد مڪاوي ابراهيم محمد بابت معلومات جي فراهمي تي 5 ملين آمريڪي ڊالرن تائين انعام جي آڇ ڪري ٿو. هن پهرين جنوري 2001ع تي خرطوم ۾ ٿيل حملي جي اڳواڻي ڪئي هئي جنهن جي نتيجي ۾ آمريڪا جي بين الاقوامي امداد واري اداري (يوايس ايڊ) جا ملازم جان گرانويل ۽ عبدالرحمان عباس راهما مارجي ويا هئا. مڪاوي جا سوڊان ۾ القاعده ان دي لينڊ آف دي ٽو نيلز جي نالي سڏجندڙ گروپ سان لاڳاپا هئا جنهن آمريڪا، اولهه ۽ سوڊاني مفادن خلاف حملان جي سازش ڪئي هئي.
هڪ سوڊاني عدالت 2009ع ۾ مڪاوي کي قتل جي واقعن ۾ ملوث هجڻ تي ڪيس هلائي موت جي سزا ٻڌائي. پر مڪاوي سزا تي عملدرآمد کان اڳ 10 جون 2010ع تي جيل مان فرار ٿي ويو. هو اڃا تائين مفرور آهي ۽ سمجهيو پيو وڃي ته صوماليا ۾ موجود آهي.
8 جنوري 2013ع تي آمريڪا جي پرڏيهي وزارت مڪاوي کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ مڪاوي جي سموري ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي مڪاوي سان ڪنهن به قسم جي ڏيتي ليتي ڪرڻ تي پابندي مڙهي وئي آهي.
