ريوارڊز فار جسٽس اهڙي ڄاڻ جي فراهمي تي 10 ملين آمريڪي ڊالرن تائين جي انعام جي آڇ ڪري ٿو جنهن جي نتيجي ۾ حزب الله جي مالياتي نظام ۾ رنڊڪ يا خلل پوي. علي يوسف چراره جنهن کي علي يوسوف شراره ۽ علي شراره يوسف جي نالي سان به سڃاتو وڃي ٿو، حزب الله جو فنانسر ۽ لبنان جي ٽيلي ڪميونيڪشن ڪمپني اسپيڪٽرم انويسٽمينٽ گروپ هولڊنگ ايس اي ايل جنهن تي آمريڪا جي ناڻي کاتي طرفان پابندي مڙهيل آهي، جو چيئرمين ۽ جنرل مئنيجر آهي. چراره کي حزب الله طرفان ڪيترائي ملين ڊالرز مليا آهن ته جيئن هو اهڙن پراجيڪٽن ۾ سيڙپڪاري ڪري سگهي جنهن سان دهشتگرد گروپ کي فائدو پهچي.
ڪاروباري سيڙپڪاري ۾ حزب الله طرفان چراره جي سهولتڪاري کان علاوه چراره عراق ۾ تيل جي منصوبن تي پڻ ڪم ڪيو آهي. ان کان علاوه اولهه آفريقا جي ٽيلي ڪميونيشڪن صنعت ۾ چراره جا وسيع ڪاروباري مفاد آهن.
7 جنوري 2016ع تي آمريڪا جي ناڻي واري کاتي چراره کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ چراره جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي چراره سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا طرفان دهشتگرد تنظيم قرار ڏنل حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
