ريوارڊز فار جسٽس خليل الرحمان حقاني بابت معلومات جي فراهمي تي 5 ملين آمريڪي ڊالرن تائين انعام جي آڇ ڪري ٿو جنهن کي خليل حقاني يا خليل احمد حقاني طور پڻ سڃاتو وڃي ٿو. خليل آمريڪا طرفان پرڏيهي دهشتتگرد تنظيم (ايف ٽي او) طور نامزد ٿيل حقاني نيٽ ورڪ جي مک اڳواڻ طور ڪم ڪري ٿو.
خليل طالبان طرفان فنڊ گڏ ڪرڻ واري سرگرمين ۾ مصروف آهي ۽ افغانستان ۾ ڪم ڪندڙ طالبان کي مدد فراهم ڪري ٿو. 2010ع جي شروع ۾ افغانستان جي صوبي لوغر ۾ طالبان سيلز کي فنڊز فراهم ڪيا. 2009ع ۾ خليل ٻين ڪيترن ئي ماڻهن سان گڏ طالبان ۽ ايڇ ڪيو اين طرفان پڪڙيل ماڻهن جي حراست جو ذميوار هو. خليل پنهنجي ڀائيٽي سراج الدين حقاني جيڪو ايڇ ڪيو اين جو مجموعي طور سربراهه ۽ طالبان جو نائب اڳواڻ آهي، جي حڪم تي طالبان طرفان ڪارروايون ڪيون آهن. خليل القاعده (اي ڪيو) طرفان ڪم ڪيو آهي ۽ اي ڪيو جي دهشتگرداڻي ڪارروائين سان لاڳاپيل رهيو آهي. هن 2002ع ۾ افغانستان جي صوبي پڪتيا ۾ القاعده عنصرن کي مستحڪم بڻائڻ لاءِ ويڙهاڪن کي مقرر ڪيو.
9 فيبروري 2011ع تي آمريڪا جي ناڻي واري کاتي خليل حقاني کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ خليل حقاني جي سموري ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي خليل حقاني سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم ايڇ ڪيو اين کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
