ريوارڊز فار جسٽس جهاد سروان مصطفيٰ بابت معلومات جي فراهمي لاءِ 10 ملين آمريڪي ڊالرن تائين انعام جي آڇ ڪري ٿو، جهاد سروان مصطفيٰ کي احمد گوري، انور ال آمريڪي ۽ امير انوا طور به سڃاتو وڃي ٿو.. مصطفيٰ هڪ آمريڪي شهري ۽ ڪئليفورنيا جو اڳوڻو رهواسي آهي، هو آمريڪا طرفان پرڏيهي دهشتگرد تنظيم طور قرار ڏنل الشباب جي قيادت وارن عهدن تي رهيو آهي. سمجهيو پيو وڃي ته هو اعليٰ سطحي آمريڪي شهري آهي جيڪو سمنڊ پار دهشتگرد تنظيم سان گڏ وڙهي رهيو آهي.
مصطفيٰ 2005ع ۾ صوماليا وڃڻ کان اڳ ڪئليفورنيا جي شهر سان ڊياگو ۾ رهيو ۽ اتان جي ڪاليج مان تعليم حاصل ڪئي. اهو سمجهيو پيو وڃي ته هن 2008ع ڌاري الشباب ۾ شامل ٿيڻ کان اڳ ايٿوپيائي فورسز خلاف حملن ۾ حصو ورتو. مصطفيٰ الشباب سان ڪيترين ئي اهم حيثيتن ۾ ڪم ڪيو آهي، جنهن ۾ ٽريننگ ڪئمپن ۾ فوجي انسٽرڪٽر، پرڏيهي ويڙهاڪن جي اڳواڻي ڪرڻ، گروپ جي ميڊيا واري شاخ ۾ ڪم ڪرڻ، الشباب ۽ ٻين دهشتگرد تنظيمن جي وچ ۾ ٽياڪڙي جو ڪردار ادا ڪرڻ ۽ دهشتگرداڻي حملن ۾ ڌماڪيدار مادي جي استعمال ۾ تنظيم جي اڳواڻي ڪرڻ شامل آهي. اهو سمجهيو پيو وڃي ته مصطفيٰ سڌي طرح صومالي حڪومت ۽ صوماليا ۽ اولهه آفريقا ۾ موجود بين الاقوامي مدد واري آفريقي يونين جي فورسز خلاف ڪارروائين جي منصوبن ۾ اهم ڪردار ادا ڪري رهيو آهي. جنهن جي نتيجي ۾ مصطفيٰ آمريڪي فورسز، شهرين ۽ مفادن لاءِ سڌو خطرو بڻيل آهي.
9 آڪٽوبر 2009ع تي مصطفيٰ تي ڪئليفورنيا جي ڏاکڻي ضلعي ۾ دهشتگردن کي مادي مدد جي فراهمي جي سازش ڪرڻ، الشباب کي مادي مدد جي فراهمي جي سازش ڪرڻ ۽ الشباب کي مادي مدد فراهم ڪرڻ جي الزام هيٺ فرد جرم لاڳو ڪئي وئي. 2 ڊسمبر 2019ع تي آمريڪي وفاقي عدالت ۾ فرد جرم غير مهر بند ڪري مصطفيٰ تي دهشتگردي سان لاڳاپيل الزام مڙهيا ويا. مصطفيٰ ايف بي آءِ جي سڀ کان وڌيڪ گهربل دهشتگردن جي لسٽ ۾ شامل آهي.
