جماعت نصرت االسلام والمسلمين (جي اين آءِ ايم) مالي ۾ پاڻ کي القاعدہ جي شاخ قرار ڏنو آهي. 2017ع ۾ القاعدہ ان اسلامڪ مغرب جي صحاره شاخ، المرابطون، انصار الدين ۽ ميسينا لبريشن فرنٽ گڏجي جي اين آءِ ايم قائم ڪئي. مالي، نائيجر ۽ برڪينا فاسو ۾ ڪاررايون ڪندڙ جي اين آءِ ايم ڪيترن ئي حملن ۽ اغوا جي وارداتن جي ذميوار آهي. جون 2017ع ۾ جي اين آءِ ايم باماڪو ٻاهران هڪ تفريحي هنڌ جتي اولهه جي شهرين جو گهڻو اچڻ وڃڻ هو، تي حملو ڪيو ۽ 2 مارچ 2018ع تي واگاڊوگو ۾ وڏي پيماني تي ٿيل منظم حملن جي ذميوار آهي. سيپٽمبر ۾ جي اين آءِ ايم مالي جي مرڪزي علائقي ۾ هڪ مسافر بس هيٺان بارودي سرنگهه جو ڌماڪو ڪيو جنهن جي نتيجي ۾ 14 شهري مارجي ويا ۽ 24 زخمي ٿي پيا.
6 سيپٽمبر 2018ع تي آمريڪا جي پرڏيهي وزارت جي اين آءِ ايم کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو. ان کان اڳ 5 سيپٽمبر 2018ع تي آمريڪي پرڏيهي وزارت ترميم ٿيل ايگزيڪيوٽو آرڊر 13224 مطابق جي اين آءِ ايم کي خاص طور تي نامزد عالمي دهشتگرد طور نامزد ڪيو هو. نتيجي طور آمريڪا جي دائره اختيار ۾ ايندڙ جي اين آءِ ايم جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي جي اين آءِ ايم سان ڪنهن به قسم جي ڏيتي ليتي ڪرڻ تي پابندي مڙهي وئي آهي. جي اين آءِ ايم ڄاڻي واڻي سامان يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
