النصره فرنٽ (اي اين ايف) 2011ع جي آخر ۾ ان وقت قائم ڪئي وئي جڏهن القاعدہ ان عراق (اي ڪيو آءِ) جي اڳواڻ ابو بڪر البغدادي اي اين ايف جي اڳوان محمد الجالاني کي شام اماڻيو ته جيئن اتي دهشتگرد سيلز کي منظم ڪري سگهي. اپريل 2013ع ۾ الجالاني القاعدہ جي اڳواڻ ايمن الظواهري جي هٿ تي بيعت ڪئي. اي اين ايف القاعدہ ان عراق کان ڌار ٿي آزاد تنظيم بڻجي وئي. جنوري 2017ع ۾ اي اين ايف ٻين ڪيترين ئي سختگير گروپن سان گڏجي حيات التحرير الشام (ايڇ ٽي ايس) قائم ڪئي. اي اين ايف شام ۾ القاعدہ سان لاڳاپيل رهي.
اي اين ايف جو اعلانيل مقصد شام ۾ اسد جي حڪومت کي هٽائڻ ۽ اتي سني اسلامي رياست قائم ڪرڻ آهي. اي اين ايف جو شام جي اتر اولهه واري علائقي تي ڪنٽرول ۽ ڌيان آهي، اتي ئي اها هڪ مخالف طاقت طور سرگرم آهي ۽ مقامي انتظاميا ۽ ٻاهرين سازشن تي مختلف درجن جو اثر رسوخ رکي ٿي. اي اين ايف سڄي شام ۾ ڪيترائي دهشتگرداڻا حملا ڪيا آهن جن ۾ خاص طور تي شهرين کي نشانو بڻايو ويو آهي.
15 مئي 2014ع تي آمريڪا جي پرڏيهي وزارت اي اين ايف کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو. ان کان اڳ 14 مئي 2014ع تي آمريڪي پرڏيهي وزارت ترميم ٿيل ايگزيڪيوٽو آرڊر 13224 مطابق اي اين ايف کي خاص طور تي نامزد عالمي دهشتگرد طور نامزد ڪيو هو. ان نامزدگي جي نتيجي ۾ آمريڪا جي دائره اختيار ۾ ايندڙ اي اين ايف جي سموري ملڪيت، ملڪيت ۾ مفاد بلاڪ ڪيا ويا آهن ۽ آمريڪي شهرين تي ان گروپ سان ڏيتي ليتي ڪرڻ تي پابندي مڙهي وئي آهي. ان کان علاوہ اي اين ايف کي ڄاڻي واڻي ڪنهن مواد جي فراهمي يا ڪنهن مواد جي فراهمي جي ڪوشش يا سازش ڪرڻ، وسيلن توڙي سامان جي فراهمي ڏوهه آهي.
