ريوارڊز فار جسٽس احمد ديري جنهن کي احمد عمر ۽ ابو عبيده طور پڻ سڃاتو وڃي ٿو، بابت معلومت ڏيڻ تي 10 ملين آمريڪي ڊالرن تائين انعام جي آڇ ڪري ٿو. ابو عبيده الشباب جي سربراهه طور ڪم ڪري رهيو آهي، هن اهو عهدو الشباب جي اڳوڻي اڳواڻ احمد عبدي جودان جي موت کانپوءِ حاصل ڪيو آهي.
جوداني جي هنڌ تي اڳواڻ ٿيڻ کان اڳ ابو عبيده الشباب ۾ ڪيترن ئي عهدن تي رهيو جن ۾ جودان جو نائب، 2008ع ۾ صوماليا جي علائقي لوئر جوبا جو گورنر ۽ 2009ع ۾ صوماليا جي ئي علائقن بي ۽ باڪول ۾ الشباب جو گورنر جو عهدو شامل آهي. 2013 ع کان هي جودان جو سينيئر صلاحڪار هو ۽ الشباب جي ”گهرو کاتي“ ۾ ڪم ڪيائين جنهن دوران هن گروپ جي اندروني سرگرمين جي نگراني ڪئي. هو صوماليا ۾ الشباب جي دهشتگرد حملن لاءِ جودان جي ويزن کي القاعده جي عظيم عالمي خواهشن جي عنصر طور شيئر ڪري ٿو.
21 اپريل 2015ع تي آمريڪا جي پرڏيهي وزارت ابو عبيده کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ ابو عبيده جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي ابو عبيده سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم الشباب کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
