ريوارڊز فار جسٽس اهڙي ڄاڻ جي فراهمي تي 10 ملين آمريڪي ڊالرن تائين جي انعام جي آڇ ڪري ٿو جنهن جي نتيجي ۾ حزب الله جي مالياتي نظام ۾ رنڊڪ يا خلل پوي. ابراهيم طاهر گني ۾ ڪم ڪندڙ حزب الله جو فنانسر آهي. طاهر جي گني ۾ حزب الله جي سڀ کان اهم مالياتي مددگار طور سڃاڻپ ڪئي وئي آهي. اهو سمجهيو پيو وڃي ته ملڪ ۾ موجود حزب الله سان لاڳاپيل ماڻهن کي ملازمت فراهم ڪري رهيو آهي.
طاهر ۽ سندس هڪ ساٿي پنهنجي ڪنهن هڪ ڪاروباري مرڪز تي گڏ ڪيل آمريڪي ڊالرز ڪونڪري هوائي اڏي تي اماڻيا ۽ گني جي ڪسٽمز اختيارين کي رشوت ڏئي پنهنجي ڪرنسي سامان ۾ موڪلڻ جي اجازت ورتي. طاهر ڪوٽ ڊيوا ۾ لبنان جي اعزازي قونصل واري حيثيت کي گني اندر توڙي ٻاهر سفر دوران جهڙتي يا تلاشي کان بچڻ لاءِ استعمال ڪيو آهي.
تازو ئي 2020ع ڌاري گني ۾ رهندڙ لبناني واپارين جن ۾ طاهر ۽ حزب الله جو فنانسر علي سعدي شامل آهن، هڪ خاص اڏام وسيلي وڏي رقم کڻي گني کان لبنان روانا ٿيا. واپارين جي گروپ دعويٰ ڪئي ته رقم لبنان ۾ ڪووڊ-19 سبب امداد هئي ته جيئن جاچ کان بچي سگهجي. ان کان اڳ ڪووڊ-19 جي رليف کي گني کان لبنان ۾ حزب الله کي فنڊن جي منتقلي کي لڪائڻ لاءِ استعمال ٿيندو رهيو آهي.
4 مارچ 2022ع تي آمريڪي ناڻي واري وزارت طاهر کي حزب الله لاءِ مادي مدد فراهم ڪرڻ، اسپانسر ڪرڻ، مالي مدد جي فراهمي، مٽيريل يا ٽيڪنالاجي جي سپورٽ فراهم ڪرڻ يا حزب الله کي سامان يا خدمتن جي فراهمي سبب ترميم ٿيل ايگزيڪيوٽو آرڊر 13224 مطابق خاص طور تي نامزد عالمي دهشتگرد طور نامزد ڪيو. ان نامزدگي سبب ٻين نتيجن طور آمريڪا جي دائره اختيار ۾ ايندڙ طاهر جي سموري ملڪيت، ملڪيت ۾ مفاد بلاڪ ڪيا ويا آهن ۽ آمريڪي شهرين تي طاهر سان ڏيتي ليتي ڪرڻ تي پابندي مڙهي وئي آهي. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ طاهر جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي طاهر سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
