ريوارڊز فار جسٽس آءِ ايس آءِ ايس جي اغوا وارن نيٽ ورڪن بابت معلومات يا اهڙي معلومات جي فراهمي تي جنهن سان مهر محفوظ، مائيڪل ڪايل، گريگوريز ابراهيم، بولوس يازيگي ۽ پائولو ڊال اوگليو جي موجودگي واري هنڌ، بازيابي ۽ واپسي ممڪن ٿي سگهي، 5 ملين آمريڪي ڊالرن تائين انعام جي آڇ ڪري ٿو.
9 فيبروري 2013ع تي يوناني آرٿوڊڪس پادري مهر محفوظ ۽ آرمينيائي ڪيٿولڪ پادري مائيڪل ڪيال هڪ عام بس تي ڪافرون ۾ پنهنجي مذهبي رهائشگاهه ڏانهن وڃي رهيا هئا. شام جي شهر اليپو کان لڳ ڀڳ 30 ڪلوميٽر پري آءِ ايس آءِ ايس/ داعش جي شڪي انتهاپسندن گاڏي کي روڪيو، مسافرن جا دستاويز چيڪ ڪيا، جنهن کانپوءِ محفوظ ۽ ڪيال کي بس تان لاٿو ويو، جنهن کانپوءِ اهي نظر نه آيا آهن ۽ نه ئي انهن بابت ڪجهه ٻڌو ويو آهي.
22 اپريل 2013ع تي شام جو آرٿوڊڪس آرچ بشپ گريگوريز ابراهيم يوناني آرٿوڊڪس آرچ بشپ بولوس يازيگي کي کڻڻ لاءِ اليپو کان ترڪي جو سفر ڪيو. اهي جڏهن شام ۾ المنصوره ڀرسان هڪ چيڪ پوائنٽ تي پهتا ته اوچتو ڪيترن ئي هٿياربندن آرچ بشپن تي حملو ڪري سندن گاڏي تي قبضو ڪري ورتو. مذهبي اڳواڻن جو ڊرائيور بعد ۾ مئل حالت ۾ هٿ آيو. اهو سمجهيو پيو وڃي ته آرچ بشپن کي القاعده سان لاڳايپل النصره فرنٽ سان تعلق رکندڙ ماڻهن اغوا ڪيو پر پوءِ آرچ بشپن کي آءِ ايس آءِ ايس کي منتقل ڪيو ويو.
29 جولاءِ 2013ع تي آءِ ايس آءِ ايس اٽلي جي جيسوٽ پادري پائولو ڊال اوگليو کي رقه شام ۾ اغوا ڪري ورتو. فادر ڊال اوگليو آءِ ايس آءِ ايس سان ملڻ جي رٿابندي ڪئي هئي ته جيئن هو محفوظ، ڪيال، ابراهيم ۽ يازيگي کي آزاد ڪرڻ لاءِ چئي سگهي. هو ان کانپوءِ ڏسڻ يا ٻڌڻ ۾ نه آيو آهي.
