آءِ ايس آءِ ايس ان دي گريٽر صحاره (آءِ ايس آءِ ايس- جي ايس) 2015ع ۾ القاعدہ جي گروپ المرابطون کان ڌار ٿيڻ بعد قائم ٿي ۽ داعش سان بيعت ڪئي. هي گروپ بنيادي طور تي مالي جو آهي ۽ مالي ۽ نائيجر جي سرحد تي ڪارروايون ڪري ٿو، جڏهن ته هي گروپ برڪينا فاسو ۾ پڻ سرگرم آهي. آءِ ايس آءِ ايس- جي ايس ڪيترن ئي حملن جي ذميواري قبول ڪئي آهي جن ۾ 4 آڪٽوبر 2017ع تي نائيجر جي علائقي ٽونگو ٽونگو ۾ آمريڪا ۽ نائيجر جي گڏيل گشت تي حملو به شامل آهي جنهن جي نتيجي ۾ 4 آمريڪي فوجي ۽ نائيجر جا 4 فوجي مارجي ويا هئا. نومبر 2019ع ۾ آءِ ايس آءِ ايس- جي ايس ملائي جي فوجي اڏي تي حملو شروع ڪيو جنهن ۾ 54 فوجي مارجي ويا.
23 مئي 2018ع تي آمريڪا جي پرڏيهي وزارت آءِ ايس آءِ ايس- جي ايس کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو. ان کا اڳ 16 مئي 2018ع تي آمريڪي پرڏيهي وزارت ترميم ٿيل ايگزيڪيوٽو آرڊر 13224 مطابق آءِ ايس آءِ ايس- جي ايس کي خاص طور تي نامزد عالمي دهشتگرد طور نامزد ڪيو. نتيجي طور آمريڪا جي دائره اختيار ۾ ايندڙ آءِ ايس آءِ ايس- جي ايس جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي آءِ ايس آءِ ايس- جي ايس سان ڪنهن به قسم جي ڏيتي ليتي ڪرڻ تي پابندي مڙهي وئي آهي. آءِ ايس آءِ ايس- جي ايس کي ڄاڻي واڻي سامان يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
