دهشت جا عمل
...کے بارے میں معلومات

سپاھ پاسداران انقلاب اسلامي

حڪومت آمريڪا جي اسٽيٽ ڊپارٽمينٽ جو روارڊ فار جسٽس پروگرام-انصاف خاطرانعام، اهڙي معلومات خاطر پندرهن ملين آمريڪي ڊالرن جي انعام جي آڇ ڪري ٿو جيڪا ايران جي سپاھ پاسداران انقلاب اسلامي ۽ انهي جي سمورين شاخن، بشمول سپاھ پاسداران انقلاب-قدس فورس جي مالياتي ساخت يا جوڙجڪ ۾ رڪاوٽ وجھڻ بابت هجي. ايران جي پاسداران انقلاب اسلامي-قدس فورس عالمي سطح جي ڪيترن ئي دهشتگرد حملن ۽ ڪارواين جي مالي معاونت ڪئي آهي. ايراني پاسداران انقلاب اسلامي-قدس فورس ايران کان ٻاهر، ايراني حمايت يافته گروهن جهڙوڪ حزب الله ۽ حماس جي دهشتگرد ڪارواين جي رهنمائي ڪري ٿي.

ڊپارٽمينٽ ايراني پاسداران انقلاب اسلامي، ايراني پاسداران انقلاب-قدس فورس، انهي جي شاخن يا انهي جي مکيه مالياتي سهولت ڪاري جي طور طريقن بابت معلومات ڏيڻ تي انعامن جي آڇ ڪري ٿو، جن ۾:

  • ايراني پاسداران انقلاب اسلامي جون غير قانوني مالياتي اسڪيمون جن ۾ پيٽرول بدلي پئسا شامل آهي:
  • ايراني پاسداران انقلاب اسلامي سان ڳنڍيل فرنٽ ڪمپنيون جيڪي انهن جي پاران عالمي سرگرمين ۾ مصروف آهن:
  • ايراني پاسداران انقلاب اسلامي جا مددگار ادارا يا فرد جيڪي مٿن عائد ٿيندڙ آمريڪي ۽ عالمي پابندين کان بچڻ ۾ کين مدد ڪن ٿا.
  • ايراني پاسداران انقلاب اسلامي سان ڪاروبار ڪندڙ باضابطه مالي ادارا
  • ايراني پاسداران انقلاب اسلامي ڪهڙي ريت پنهنجن دهشتگرد ۽ حمايت يافته مليشيا ۽ ساٿين لاءِ پئسا منتقل ڪري رهي آهي:
  • ايراني پاسداران انقلاب اسلامي کي پئسا ڏيندڙ ۽ مالي سهولت ڪاري ڪندڙ:
  • مالياتي ادارا يا ناڻي جي مٽا سٽا جا مرڪز جيڪي ايراني پاسداران انقلاب اسلامي لاءِ پئسن جي ڏيتي ليتي ۾ سهولت ڪاري ڪن ٿا:
  • ڪاروبار يا سيڙپ ٿيل رقم يا اثاثا جنهن جا مالڪ يا انهي کي ڪنٽرول ڪندڙ ايراني پاسداران انقلاب اسلامي يا انهي جي مالياتي مدد ڪندڙ آهن:
  • فرنٽ ڪمپنيون جيڪي ايراني پاسداران انقلاب اسلامي جي پاران ٻٽي استعمال واري ٽيڪنالجي خريد ڪرڻ ۾ مصروف آهن: ۽
  • ايراني پاسداران انقلاب اسلامي جون اهي ڏوهاري اسڪيمون جن ۾ سندن ميمبر۽ حمايتي ملوث آهن ۽ جيڪي تنظيم کي مالي فائدا پهچائي رهيون آهن

ايراني پاسداران انقلاب اسلامي جو بنياد 1979 ۾ ايراني انقلاب کانپوءِ وڌو ويو. اها ايراني فوج جي هڪ شاخ آهي ۽ پنهنجي سڀ کان نمايان قدس فورس وسيلي، انتظاميه جي عالمي دهشتگرد مهم ۾، ايراني پاسداران انقلاب اسلامي کي، رهنمائي ڪرڻ ۽ عمل پذير ٿيڻ طور ايراني عمل ڪارن ۾ اهم ترين حيثيت آهي.

15 اپريل 2019 تي اسٽيٽ ڊپارٽمينٽ ايراني پاسداران انقلاب اسلامي کي، اميگريشن ائنڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم طور نامزد ڪيو. 2017 ۾ حڪومت آمريڪا جي ناڻي کاتي، ايگزيڪيوٽو حڪنامي 13224 جي پوئواري ڪندي، ايراني پاسداران انقلاب اسلامي کي، سندس ايراني پاسداران انقلاب اسلامي-قدس فورس جي حمايت وارين ڪارواين ڪارڻ، ايراني پاسداران انقلاب اسلامي کي خاص طور نامزد ٿيل عالمي دهشتگرد قرار ڏنو.

چاليھ سال اڳ پنهنجي قيام کان وٺي، ايراني پاسداران انقلاب، دهشتگرد منصوبن ۾ ملوث رهي آهي ۽ عالمي طور دهشتگردي جي حمايت ڪري ٿي. ايراني پاسداران انقلاب اسلامي آمريڪين ۽ آمريڪي عمارتن تي حملن لاءِ جن ۾ اهڙا به شامل آهن جن ۾ آمريڪي شهري مارجي ويا،لاءِ ذميوار آهي. ايراني پاسداران انقلاب اسلامي، عراق ۽ افغانستان ۾ آمريڪي ۽ اتحادي فوجن ۽ سفارتي عملي تي حملن جي حمايت ڪئي آهي.

وڌيڪ اهو ته، ڪيترن ئي آمريڪي ماڻهن کي يرغمال بنايو آهي ۽ کين غير قانوني طور نظربند ڪيو آهي جن مان ڪيئي هن وقت ايران ۾ قيد آهن.

ايراني پاسداران انقلاب اسلامي-قدس فورس سموري دنيا ۾ دهشتگرد ڪارواين جي منصوبي بندي ڪئي آهي جن ۾ جرمني، بوسنيا، بلغاريا، ڪينيا، بحرين، ترڪي ۽ آمريڪا جهڙا ملڪ شامل آهن.

سندس وڌيڪ ڦوٽو

سپاھ پاسداران انقلاب اسلامي
سپاھ پاسداران انقلاب اسلامي
سپاھ پاسداران انقلاب اسلامي
سپاھ پاسداران انقلاب اسلامي
سپاھ پاسداران انقلاب اسلامي
سپاھ پاسداران انقلاب اسلامي
سپاھ پاسداران انقلاب اسلامي