المولا، جيڪو حاجي عبدالله جي نالي سان پڻ سڃاتو وڃي ٿو، سو اسلامڪ اسٽيٽ آف عراق ائنڊ سريا (آئسس) جو اهم اڳواڻ آهي. هي، آئسس جي پيشرو تنظيم عراقي القاعده (اي ڪيو آئي) ۾ مذهبي عالم هو ۽ انهي جي صفن مان مسلسل اڳتي وڌندو آئسس جو مکيه اڳواڻ بنجي ويو.
آئسس جي سڀ کان اهم مفڪر طور عبدالله، اتر اولھ عراق ۾ اغوا جي ڪم کي هلائڻ ۽ انهي کي درست قرار ڏيڻ، يزيدي مذهبي اقليت جي قتل عام ۽ خريد ۽ فروخت ۾ مدد ڪئي ۽ هن گروپ جي عالمي دهشتگرد ڪارواين جو نگران سمجھيو وڃي ٿو. هي، آئسس اڳواڻ ابوبڪر البغدادي جي جانشيني جو مضبوط اميدوار آهي.
جون 2014 ۾ آئسس جنهن کي داعش جي نالي سان پڻ سڃاتو وڃي ٿو تنهن عراق ۽ شام جي ڪجھ حصن تي قبضو ڪري نام نهاد اسلامي خلافت طور اعلان ڪيو ۽ البغدادي کي خليفي طور اعلان ڪيو ويو. ويجهن سالن ۾، آئسس کي جهادي گروپن جي اطاعت ملي آهي ۽ آمريڪا تي حملن لاءِ اتساهڻ خاطر، سموري دنيا مان ماڻهن کي انتها پسند لائين تي تيار ڪيو پيو وڃي.
هي انعام آئسس خلاف اسانجي لڙائي ۾ اهم لمحو آهي. جنگ جي ميدان ۾ آئسس جي شڪست بعد، اسان گروپ اڳواڻن کي سڃاڻڻ ۽ کين ڳولڻ لاءِ پرعزم آهيون ته جيئن آئسس کي شڪست ڏيڻ لاءِ وڙهندڙ قومن جو عالمي اتحاد آئسس جي باقيات کي تباھ ڪرڻ جاري رکي ۽ انهن جي عالمگير ارادن کي روڪي.
پوسٽر ڏسو يا پرنٽ ڪيو