ລາງວັນເພື່ອຄວາມຍຸຕິທຳມອບເງິນລາງວັນ 5 ລ້ານໂດລາ ສຳລັບຂໍ້ມູນທີ່ນຳໄປສູ່ການຂັດຂວາງກົນໄກທາງການເງິນຂອງບຸກຄົນທີ່ມີສ່ວນພົວພັນໃນກິດຈະກຳສະເພາະໜຶ່ງໆທີ່ສະໜັບສະໜູນ ເກົາຫຼີເໜືອ (ສາທາລະນະລັດ ປະຊາທິປະໄຕ ປະຊາຊົນ ເກົາຫຼີ, DPRK), ລວມເຖິງ ການຟອກເງິນ, ການສະແຫວງຫາສິນຄ້າລາຄາແພງໃຫ້ ເກົາຫຼີເໜືອ, ກິດຈະກຳທາງໄຊເບີ້ທີ່ສະເພາະ ແລະ ການກະທຳທີ່ສະໜັບສະໜູນ ການເພີ່ມຂະຫຍາຍ ອາວຸດອານຸພາບທຳລາຍລ້າງສູງ (WMD).
ທ້າວ Kwek Kee Seng ເປັນຄົນສັນຊາດ ສິງກະໂປ ແລະ ເປັນຜູ້ອຳນວຍການ ແລະ ຜູ້ຖືຮຸ້ນບໍລິສັດ Swanseas Port Services (S) Pte Ltd, ຕົວແທນ ການຂົນສົ່ງສິນຄ້າທາງເຮືອ ແລະ ບໍລິສັດດຳເນີນການ ການຂົນຖ່າຍສິນຄ້າທີ່ຕັ້ງຢູ່ ສິງກະໂປ. ລາວໄດ້ສົມຮູ້ຮ່ວມຄິດກັນໃນການເຮັດທຸລະກິດ ແລະ ສະໜອງການບໍລິການທີ່ຖືກຫ້າມໃຫ້ປະເທດ ເກົາຫຼີເໜືອ, ເຮັດໃຫ້ ປະເທດ ສປປ ເກົາຫຼີ ມີຄວາມສາມາດຕໍ່ໂຄງການເພີ່ມຂະຫຍາຍ ນິວເຄຼຍ.
ຕັ້ງແຕ່ຕົ້ນປີ 2019, ທ້າວ Kwek ໄດ້ຊ່ວຍເຫລືອ ແລະ ຊີ້ນຳ ການຂົນສົ່ງ ຜະລິດຕະພັນເປໂຕຣລຽມໃຫ້ ເກົາຫຼີເໜືອ ແລະ ການເຄື່ອນຍ້າຍສິນຄ້າຈາກເຮືອສູ່ເຮືອສຳລັບນ້ຳມັນໃຫ້ ເຮືອບັນທຸກສິນຄ້າຂອງ ເກົາຫຼີເໜືອ, ສະໜອງຊັບພະຍາກອນຕ່າງໆທີ່ສຳຄັນໃຫ້ ບໍລິສັດທີ່ຕັ້ງຢູ່ ເກົາຫຼີເໜືອ ແລະ ໃຫ້ ລັດຖະບານ ເກົາຫຼີເໜືອ. ລາວໄດ້ຮ່ວມຫົວກັນໃນການຟອກເງິນຜ່ານ ລະບົບການເງິນສະຫະລັດໂດຍການການສະໜອງເງິນໂດລາສະຫະລັດໂດຍທາງອ້ອມຜ່ານ ບັນດາບໍລິສັດແນວໜ້າ (Front companies) ເພື່ອປົກປິດຕົ້ນທາງການຊຳລະ ແລະ ສ້າງໂຄງສ້າງການທຸລະກຳເພື່ອຫລີກເວັ້ນການກວດສອບ ແລະ ຫຼີກລ່ຽງການຂວ້ຳບາດ.
ໃນວັນທີ 23 ເມສາ 2021, ທ້າວ Kwek Kee Seng ຖືກຕັ້ງຂໍ້ຫາໂດຍລັດຖະບານສະຫະລັດ ສຳລັບຂໍ້ຫາການສົມຮູ້ຮ່ວມຄິດກັນໃນການດຳເນີນການຟອກເງິນລະຫວ່າງປະເທດ.
ພວກເຮົາສົ່ງເສີມໃຫ້ທຸກໆຄົນທີ່ມີຂໍ້ມູນຂອງ ທ້າວ Kwek Kee Seng ຕິດຕໍ່ ລາງວັນເພື່ອຄວາມຍຸຕິທຳ (RFJ)ຜ່ານ ຊ່ອງທາງການລາຍງານເບາະແສ TOR ທີ່ he5dybnt7sr6cm32xt77pazmtm65flqy6irivtflruqfc5ep7eiodiad.onion (ຕ້ອງມີ Tor ບຣາວເຊີ).
