ຈາມັຕ ອູລ ອາຮຣາ (Jamaat-ul-Ahrar, JUA) ແມ່ນກຸ່ມກຳລັງທະຫານທີ່ສັງກັດໃນ ເທຣີກ ເອ ຕາລີບານປາກີສຖານ (TTP) ເຊິ່ງສະຫະລັດຕັ້ງຊື່ເປັນ ອົງການກໍ່ການຮ້າຍຕ່າງປະເທດ. ກໍ່ຕັ້ງໂດຍອະດີດຜູ້ນຳ TTP, Abdul Wali ໃນເດືອນສິງຫາ 2014, JuA ໄດ້ລົງມືການໂຈມຕີຫລາຍຄັ້ງໃນປາກີສຖານໂດຍເອົາພົນລະເຮືອນ, ຄົນກຸ່ມນ້ອຍທີ່ຖືສາສະໜາ, ເຈົ້າໜ້າທີ່ທະຫານ ແລະ ຜູ້ບັງຄັບໃຊ້ກົດໝາຍເປັນເປົ້າໝາຍ. ໃນເດືອນສິງຫາ 2015, JuA ອ້າງຄວາມຮັບຜິດຊອບຕໍ່ເຫດລະເບີດຟຣີຊີບໃນ ປັນຈັບ, ປາກີສຖານ ເຊິ່ງໄດ້ສັງຫານ ລັດຖະມົນຕິວ່າການ ກະຊວງພາຍໃນຂອງປັນຈັບ ແລະ ຜູ້ສະໜັບສະໜູນອີກ 18 ຄົນ. JuA ຮັບຜິດຊອບໃນການສັງຫານພະນັກງານຂອງກົງສຸນແຫ່ງ ສະຫະລັດທີ່ເປັນຄົນປາກີສຖານສອງຄົນໃນ ເປຊາວາໃນຊ່ວງຕົ້ນເດືອນມີນາ 2016. ຊ່ວງປາຍເດືອນມີນາ 2016, JuA ໄດ້ປະຕິບັດການບຸກໂຈມຕີຟຣີຊີບໃນສວນສະໜຸກ Gulshan-e-Iqbal ໃນ Lahore, ປາກີສຖານ, ໄດ້ເຮັດໃຫ້ມີຄົນເສຍຊີວິດເກີນ 70 ຄົນ—ປະມານເຄິ່ງໜຶ່ງຂອງຜູ້ຕາຍແມ່ນຜູ້ຍິງ ແລະເດັກນ້ອຍ— ແລະ ຫລາຍຮ້ອນຄົນບາດເຈັບ.
ໃນວັນທີ 03 ສິງຫາ 2016, ກະຊວງ ການຕ່າງປະເທດ ສະຫະລັດໄດ້ຕັ້ງຊື່ JuA ເປັນຜູ້ກໍ່ການຮ້າຍລະດັບໂລກທີ່ໄດ້ຮຽກເປັນພິເສດ ອີງຕາມຄຳສັ່ງພິເສດ 13224, ໃນສະບັບປັບປຸງ. ດັ່ງນັ້ນ, ຊັບສິນ ແລະ ຜົນປະໂຫຍດໃນຊັບສິນທັງໝົດຂອງ ກຸ່ມ JuA, ທີ່ຢູ່ໃນພາຍໃຕ້ຂອບເຂດອຳນາດຂອງສະຫະລັດແມ່ນຖືກກີດກັ້ນ ແລະ ໂດຍທົ່ວໄປ, ພົນລະເມືອງສະຫະລັດແມ່ນຖືກຫ້າມໃນການມີສ່ວນຮ່ວມດຳເນີນທຸລະກຳໃດໆກັບ ກຸ່ມ JuA.
