ئه‌و هه‌ڵبژاردراوانه‌ی له‌ لایه‌ن پۆلیسه‌وه‌ داواکراون
زانیارییه‌ک که‌ده‌بێته هۆی دادگاییکردنی ...

قاسم ئه‌لڕیمی

تاکوو 10 میلیۆن دۆلار

قاسم ئه‌لڕیمی له‌ مانگی جوونی 2015 نێو نرا ئه‌میری ئه‌لقاعیده‌ له‌ نیمچه‌ دوورگه‌ی عه‌ڕه‌بی (AQAP)، ئه‌و هه‌ر زوو پاش ئه‌وه‌ی سوێندی وه‌فاداریی بۆ ڕێبه‌ری ئه‌لقاعیده‌ ئه‌یمه‌ن ئه‌لزه‌واهیری خوارد داوای ده‌ستپێکردنیی هێرشی نوێی دژی ویلایه‌ته‌ یه‌کگرتووه‌کانی ئه‌مه‌ریکای کرد. له‌ ساڵه‌کانی 1990دا ئه‌لڕیمی له‌ که‌مپێکی ئه‌لقاعیده‌ له‌ ئه‌فغانستان ڕاهێنانی به‌ تیرۆریستان ده‌کرد، و پاشان گه‌ڕاوه‌ بۆ یه‌مه‌ن و بوو به‌ فه‌رمانده‌یه‌کی سه‌ربازیی ئه‌لقاعیده‌ له‌ نیمچه‌ دوورگه‌ی عه‌ڕه‌بی (AQAP). ئه‌و له‌ ساڵی 2005دا له‌ یه‌مه‌ن به‌ تۆمه‌تی پیلان داڕشتن بۆ تیرۆری باڵوێزی ویلایه‌ته‌ یه‌کگرتووه‌کانی ئه‌مریکا له‌ یه‌مه‌ن به‌ پێنج ساڵ زیندانیکران حوکم درا، و له‌ ساڵی 2006 ڕای کرد (له‌ زیندان هه‌ڵات). ئه‌لڕیمی په‌یوه‌ندیی هه‌بوو به‌ هێرشی سێپته‌مبه‌ری 2008 بۆ سه‌ر باڵوێزخانه‌ی ویلایه‌ته‌ یه‌کگرتووه‌کانی ئه‌مه‌ریکا له‌ سه‌نعا که‌ بووه‌ هۆی کووژرانی 10 پاسه‌وانی یه‌مه‌نی، چوار هاووڵاتیی مه‌ده‌نی، و شه‌ش تیرۆریست. ئه‌لڕیمی هه‌روه‌ها په‌یوه‌ندیی هه‌بوو به‌ هه‌وڵی ته‌قاندنه‌وه‌ی فڕۆکه‌یه‌کی نه‌فه‌رهه‌ڵگری ویلایه‌ته‌ یه‌کگرتووه‌کانی ئه‌مه‌ریکا له‌ ده‌ره‌وه‌ له‌ دیسه‌مبه‌ری 2009 له‌ ڕێگه‌ی ته‌قاندنه‌وه‌ی “جلی بۆمبڕێژکراویی ژێره‌وه‌”ی فاڕووق ئه‌بدولموته‌للیب. ساڵی 2009، حکوومه‌تی یه‌مه‌ن ئه‌لڕیمی به‌وه‌ تۆمه‌تبار کرد که‌ که‌مپێکی ڕاهێنانی ئه‌لقاعیده‌ی له پارێزگای ئابیانی‌ یه‌مه‌ن به‌ڕێوه‌بردووه‌.

له‌ گرته‌یه‌کی ڤیدیۆییدا له‌ 7ی مانگی مه‌ی 2017، ئه‌لڕیمی هانی ئه‌و لایه‌نگرانه‌ی دا که‌ له‌ ڕۆژئاوا ده‌ژین یارمه‌تیی هێرشی “ساده‌ و ساکاری” وه‌ک هێرشه‌که‌ی عومه‌ر مه‌تین، که‌ به‌ ده‌ستڕێژیی گوله‌ بۆ سه‌ر یانه‌یه‌کی شه‌وانه‌ له‌ ئۆرلاندۆی فلۆریدا له‌ مانگی جوونی 2016دا 49 که‌سی کوشت، بده‌ن و ستایشی ئه‌و هێرشه‌ی کرد.

مانگی مه‌ی 2010، وه‌زاره‌تی ده‌ره‌وه‌ ئه‌لڕیمی وه‌ک تیرۆریستێکی جیهانی ناوبرد که‌ فه‌رمانی جێبه‌جێکاریی 13224ی بۆ دیاری کراوه‌. مانگی مه‌ی 2010 ئه‌لڕیمی به‌ لیستی ئه‌نجوومه‌نی گه‌مارۆکانی ڕێکخراوی نه‌ته‌وه‌ یه‌کگرتووه‌کان (UN) 1267 تایبه‌ت به‌و که‌سانه‌ی پێوه‌ندیان به‌ ئه‌لقاعیده‌ و ده‌وڵه‌تی ئیسلامیی له‌ عێراق و ڕۆژهه‌ڵاتی نزیکه‌وه‌ (ISIL) هه‌یه‌، زیاد کرا. سه‌ره‌تا له‌ 14 ئۆکتۆبه‌ری 2014دا بڕی 5 میلیۆن دۆلار وه‌ک خه‌ڵات بۆ به‌ده‌سته‌وه‌دانی ئه‌لڕیمی ڕاگه‌یه‌ندرا.

نیگاری زێده‌

قاسم ئه‌لڕیمی
al-Rimi and Batarfi English PDF
al-Rimi and Batarfi Arabic PDF
AQAP English PDF
AQAP Arabic PDF