ئه‌و هه‌ڵبژاردراوانه‌ی له‌ لایه‌ن پۆلیسه‌وه‌ داواکراون
زانیارییه‌ک که‌ده‌بێته هۆی دادگاییکردنی ...

ابومحمد الشمالی

تاکوو 5 میلیۆن دۆلار

تیراد الجربا، فه‌رمانده‌ی باڵای سنووری حکومه‌تی ئیسلامی عێراق و شام (داعیش)، ناسراو به‌ ابو محمد الشمالی، له‌ ساڵی 2005وه‌ له‌ په‌یوه‌ندیدا بووه‌ له‌گه‌ڵ داعیش، به‌ ناوی پێشووی القاعیده‌ی عێراق. له‌ ئێستادا ئه‌و یه‌کێکه‌ له‌ سه‌رکرده باڵاکانی کۆمیته‌ی کۆچ و لۆجستی داعیش و به‌رپرسی دابینکردنی ئاسانکاری گه‌شتی جه‌نگاوه‌رانی تیرۆریستی بیانییه‌، به‌گشتی له‌ ڕێگه‌ی غازیان ته‌په‌، تورکیا، بۆ لای سنووری جرابلسی سوریا (له‌ژێر ده‌سه‌ڵاتی داعیش). الشمالی و کۆمیته‌ی لۆجستی چالاکی بازرگانیکردن مرۆڤ، گواستنه‌وه‌ی پاره‌ و گواستنه‌وه‌ی ئاسانکاری له‌ ئه‌رووپا، باکووری ئه‌فریقا و نیودوورگه‌ی عه‌ره‌بستان بۆ سوریا ڕێک ده‌خه‌ن. ساڵی 2014، الشمالی جه‌نگاوه‌رانی داهاتووی داعیشی له‌ ئۆسترالیا، ئه‌ورووپا و ڕۆژهه‌ڵاتی ناوه‌ڕاست له‌ ڕێگه‌ی تورکیاوه‌ بۆ سوریا گواسته‌وه‌ و به‌رێوه‌به‌رایه‌تی ناوه‌ندی لێپرسینه‌وه‌ی کاروباری ئه‌ندامه‌ نوێیه‌کانی داعیشی له‌ اعزازی سوریا گرته‌ ئه‌ستۆ.

له‌ 29ی سێپته‌مبه‌ری 2015دا، وه‌زاره‌تی دارایی وڵاته‌ یه‌کگرتووه‌کانی به‌ هۆی چالاکی له‌ به‌رژه‌وه‌ندی داعیش الشمالی خسته‌ ناو لیسته‌ی “هاووڵاتی تایبه‌ت”. به‌م کاره‌، داراییه‌کانی ئه‌و ده‌ستیان به‌سه‌ر داگیرا و هاووڵاتی و دامه‌زراوه‌کانی دارایی وڵاته‌ یه‌کگرتووه‌کان سه‌وداکردن له‌گه‌ڵ الشمالیان لێ قه‌ده‌غه‌ کرا. هه‌مان ڕۆژ، ناوی الشمالی هاته‌ ناو لیسته‌ی ئابلۆقه‌ی ئه‌نجومه‌نی ئاسایشی ڕێکخراوهی‌ نه‌ته‌وه‌ یه‌کگرتووه‌کانی 1267/1989 (القاعیده‌). به‌م شیوه‌یه‌ الشمالی هاته‌ ناو ده‌سته‌ی قه‌ده‌غه‌کراوه‌کانی گه‌شت و سه‌و‌داکردن و داراییه‌کانیشی ده‌ستی به‌سه‌ر داگیرا. الشمالی هه‌روه‌ها “هۆشداری تایبه‌تی” ئینته‌رپۆل”- ڕێکخراوه‌ی نه‌ته‌وه‌کان (به‌ ناوی تاراد محمد الجریا)شی هه‌یه. ئه‌م هۆشداریه‌ ئه‌و که‌سانه‌ به‌ ڕێکخراوه‌کانی جێبه‌جێکارئ یاسا له‌ سه‌رتاسه‌ری جیهان ده‌ناسێنێت که‌ ئابۆلقه‌ی ڕێکخراوه‌ی نه‌ته‌وه‌کانیان هه‌یه‌‌.

ڕێکخراوه‌ و نه‌ته‌وه‌ و هاوپه‌یمانه‌ جیهانییه‌کان که‌ پێکهاتوون له‌ 60 ڕێکخراوه‌ی نێوده‌وڵه‌تی خۆیان پابه‌ند ده‌زانن به‌ لاوازکردن و له‌ناوبردنی داعیش. گه‌یشتن به‌م ئامانجه‌ هه‌وڵ و تێکۆشانی به‌ربڵاو و دوولایه‌نه‌ی پێویسته‌. یه‌کێک له‌ هه‌وڵه‌ سه‌ره‌کییه‌کانی هاوپه‌یمانی، به‌رگیری له‌ جووڵه‌ی جه‌نگاوه‌رانی تیرۆریستی بیانی. ئه‌م نزیکبوونه‌وه‌یه‌ هه‌وڵه‌کانی په‌یوه‌ست به‌ ئاسایشی ناوخۆیی، جێبه‌جێکردنی یاسا، به‌شی دادوه‌ری، سیخۆڕی، دیپلۆماسی، سوپا، به‌دیهێنانی توانایی و گۆڕینه‌وه‌ی زانیارییه‌کان به‌یه‌که‌وه‌ ده‌لکێنێت.

زیاتر له‌ 25000، جه‌نگاوه‌ری تیرۆریستی بیانی له‌ زیاتر له‌ 100 وڵات هاتوونه‌ته‌ عێراق و سوریا. جه‌نگاوه‌رانی تیرۆریستی بیانی له‌ گۆڕه‌پانی شه‌ڕ له‌ عێراق و سوریادا ئه‌زموونی شه‌ڕ، چه‌ک و ڕاهێنان به‌ده‌ست دێنن و په‌یوه‌ندیان ده‌بێت له‌گه‌ڵ تۆڕه‌کانی تیرۆریستی که‌ ڕه‌نگه‌ به‌نیازن هێرش بکه‌نه‌ سه‌ر ئامانجه‌کانی ڕۆژئاوایی. هه‌ڕه‌شه‌ی هاوبه‌شی جه‌نگاوه‌رانی تیرۆریستی بیانی ڕێگه‌خۆشکه‌ری هاریکاری نزیکتر بووه‌ له‌ نێوان دامه‌زراوه‌ فیدراڵه‌کان و ڕێکخراوه‌ نێوده‌وڵه‌تییه‌کان که‌ سوود وه‌رده‌گرن له‌ هه‌موو ئامرازه‌کانی به‌رده‌ست بۆ شێواندنی جه‌نگاوه‌ره‌کان و له‌ناوبردنی داعیش.