هێزەکانی قۆدسی سوپای پاسدارانی شۆڕشی ئیسلامی -(IRGC-QF) کە لقێکی سەر بە سوپای پاسدارانی شۆرشی ئیسلامییە، میکانیزمی سەرەکی ئێرانە بۆ پەروەردەکردن و گەشەپێدان و پشتگیریکردنی گرووپە تیرۆریستییەکان لە دەرەوە. ئێران بۆ جێبەجێکردنی ئامانجەکانی سیاسەتی دەرەوەی خۆی و لەخۆگرتنی ئۆپەراسیۆنی هەواڵگری و دروستکردنی ناسەقامگیری لە ڕۆژهەڵاتی ناوەڕاستدا،IRGC-QF بەکاردێنێت. لە ساڵی 2011دا IRGC-QF بەنیاز بوو باڵیۆزی سەعودیە لە ئەمریکا لە واشنتۆن دی سی بکوژێت. لە ساڵی 2012 لە تورکیا و کینیا بە مەبەستی پیلانگێڕانی هێرش، کارگێڕەکانیIRGC-QF دەستگیرکران. لە کانوونی دووەمی 2018دا، ئەڵمانیا 10 کەس لە فاکتەرەکانی IRGC ئاشکرا کرد کە بەشدارییان لە پیلانێکی تیرۆریستیدا کردووە لە ئەڵمانیا.
لە ڕێکەوتی 15ی نیسانی 2019دا، وەزارەتی دەرەوەی ئەمریکا بەپێی بەشی 219 لە “یاسای کۆچ و هاووڵاتی” (هەموارکراو)، IRGC، لەوانە قۆدسی IRGC-QF وەک ڕێکخراوەی تیرۆریسی بیانی ڕاگەیاند. لە ساڵی 2017دا، وەزارەتی خەزانەداری ئەمریکا IRGC بە هۆی چالاکی لە بواری پاڵپشتی لە IRGC-QF بەپێی بڕیاری جێبەجێکاری 13224 (هەموارکراو)، وەک تیرۆریستی نێودەوڵەتی تایبەت دیاری کرد. لە ئەنجامی ئەم دیاریکردنەدا، هەموو موڵک و بەرژەوەندییەکانی پەیوەست بە IRGC لە دەسەڵاتی دادوەری ئەمریکادا دەستیان بەسەر داگیرترا و هاووڵاتیانی ئەمریکا بەگشتی قەدەغە کران بۆ هەر چەشنە مامەڵە و سەودایەک لەگەڵ IRGC. پێشکەشکردنی بەزانیاری یان هەوڵ یان پیلان بۆ یارمەتیدان یان سەرچاوەی مادی بۆ IRGC بە تاوان دادەنرێت.
