“خەڵات بۆ دادوەری”لەبری زانیاری پەیوەست بە به فواد محمد خەلەف، ناسراو به فواد شنگال تاکوو 5 ملیۆن دۆلار خەڵات دەدات. خەلەف سەرکردەیەکی الشبابە و ئاسانکاری کردووە بۆ پاڵپشتی دارایی بۆ ئەم ڕێکخراوە تیرۆریستییە بیانییەی کە ئەمریکا دەستنیشانی کردووە.
لە نیسانی 2008 خەلەف و چەند تاکێکی تر هێرشی تەقەمەنیان کردە سەر بنکەکانی ئیتیۆپیا و پێکهاتەکانی حکومەتی فیدڕاڵی ئینتیقالی لە مۆگادیشو لە سۆماڵیا. لە مانگی ئایاری 2008 خەلەف و گروپێک لە شەڕڤانان هێرشیان کردە سەر بنکەیەکی پۆلیس لە مۆگادیشو و چەند سەربازیان کوشت و چەند سەربازیش برینداربوون. هەر لەو مانگەدا خەلەف دوو ڕووداوی کۆکردنەوەی یارمەتی دارایی بۆ الشباب لە مزگەوتی کیسمایۆی سۆماڵیا ڕێک خست.
لە ڕێکەوتی 13ی نیسانی 2010دا، وەزارەتی دەرەوەی ئەمریکا بەپێی بڕیاری جێبەجێکاری 13536 (هەموارکراو)، خەلەفی وەک تیرۆریستی نێودەوڵەتی تایبەت دیاری کرد. لە ئەنجامی ئەم دیاریکردنە و دەرئەنجامەکانی تردا، هەموو موڵک و بەرژەوەندییەکانی پەیوەست بە خەلەف لە دەسەڵاتی دادوەری ئەمریکادا دەستیان بەسەر داگیرترا و هاووڵاتیانی ئەمریکا بەگشتی قەدەغە کران بۆ هەر چەشنە مامەڵە و سەودایەک لەگەڵ خەلەف. لەگەڵ ئەوەشدا، پێشکەشکردنی بەزانیاری یان هەوڵ یان پیلان بۆ یارمەتیدان یان سەرچاوەی مادی بۆ الشباب کە FTOیە، بە تاوان دادەنرێت.
