“خەڵات بۆ دادوەری”لەبری زانیاری پەیوەست بە عبدالقادر محمد عبدالقادر ناسراو بە عکرمە تاکوو 3 ملیۆن دۆلار خەڵات دەدات. عبدالقادر محمد عبدالقادر بەڕێوەبەری باڵای الشبابە و وەک سەرۆکی ئۆپەراسیۆن و ئامادەکارییەکان خزمەتی کردووە. عبدالقادر کاروباری پلاندانی هێرشەکانی الشبابیشی بەڕێوە بردووە. ئەو هەماهەنگی ڕاکێشانی گەنجانی کینا بۆ الشباب و فەرماندەی هێزی چەکدارانی الشباب لە سۆمالی لە ئەستۆ بووە.
لە ڕێکەوتی 6ی ئابی 2021دا، وەزارەتی دەرەوەی ئەمریکا بەپێی بڕیاری جێبەجێکاری 13224 (هەموارکراو)، عبدالقادری وەک تیرۆریستی نێودەوڵەتی تایبەت دیاری کرد. لە ئەنجامی ئەم دیاریکردنە و دەرئەنجامەکانی تردا، هەموو موڵک و بەرژەوەندییەکانی پەیوەست بە عبدالقادر لە دەسەڵاتی دادوەری ئەمریکادا دەستیان بەسەر داگیرترا و هاووڵاتیانی ئەمریکا بەگشتی قەدەغە کران بۆ هەر چەشنە مامەڵە و سەودایەک لەگەڵ عبدالقادر. لەگەڵ ئەوەشدا، پێشکەشکردنی بەزانیاری یان هەوڵ یان پیلان بۆ یارمەتیدان یان سەرچاوەی مادی بۆ الشباب (کە لە لایەن ئەمریکاوە ڕێکخراوەی تیرۆریستی بیانی ڕاگەیێنراوە)، بە تاوان دادەنرێت.
