“خەڵات بۆ دادوەری” لەبری زانیاری پەیوەست بە احمد دیریه ناسراو بە احمد عمر و ابو عبیدە تاکوو 10 ملیۆن دۆلار خەڵات دەدات. ابو عبیده وەک سەرۆکی الشباب خزمەت دەکات، ئەو پۆستەی کە لە دوای مردنی سەرۆکی پێشووی الشباب احمد عبدی (جۆدان)ەوە داگیری کردووە. ابو عبیده لە کاتی مردنی جۆداندا بەشێک بوو لە بازنەی ناوەوەی جۆدان.
ابو عبیده پێش گرتنەوەی پێگەی جۆدان لە چەند پۆستێکدا خزمەتی کرد لە ناو الشبابدا، لەوانە وەک یاریدەدەری جۆدان، جێگری پارێزگاری ناوچەی جوبەی خوارووی سۆماڵیا لە ساڵی 2008 و پارێزگاری الشباب لە هەرێمەکانی کەنداو و باکۆلی سۆماڵیا لە ساڵی 2009. تاکوو ساڵی 2013، ڕاوێژکاری باڵای جۆدان بوو و لە “بەشی ناوخۆ” ی الشباب خزمەتی کرد، لەو شوێنەی کە بەسەر چالاکیە ناوخۆییەکانی گروپەکەدا زاڵ بوو. ئەو ڕوانگەی جۆدان بۆ هێرشە تیرۆریستییەکانی الشباب لە سۆماڵیا وەک ئامرازێک لە ئاواتە جیهانییە گەورەکانی ئەلقاعیدە هاوبەش دەکات.
لە ڕێکەوتی 21ی نیسانی 2015دا، وەزارەتی دەرەوەی ئەمریکا بەپێی بڕیاری جێبەجێکاری 13224 (هەموارکراو)، ابو عبیدەی وەک تیرۆریستی نێودەوڵەتی تایبەت دیاری کرد. لە ئەنجامی ئەم دیاریکردنە و دەرئەنجامەکانی تردا، هەموو موڵک و بەرژەوەندییەکانی پەیوەست بە ابو عبیده لە دەسەڵاتی دادوەری ئەمریکادا دەستیان بەسەر داگیرترا و هاووڵاتیانی ئەمریکا بەگشتی قەدەغە کران بۆ هەر چەشنە مامەڵە و سەودایەک لەگەڵ ابو عبیده. لەگەڵ ئەوەشدا، پێشکەشکردنی بەزانیاری یان هەوڵ یان پیلان بۆ یارمەتیدان یان سەرچاوەی مادی بۆ الشباب (کە لە لایەن ئەمریکاوە ڕێکخراوەی تیرۆریستی بیانی ڕاگەیێنراوە)، بە تاوان دادەنرێت.
