រណសិរ្យ អាល់នូរ៉ា (ANF) ត្រូវបានបង្កើតឡើងនៅចុងឆ្នាំ ២០១១ នៅពេលដែលមេដឹកនាំក្រុមអាល់កៃដាសម័យនោះក្នុងប្រទេសអ៊ីរ៉ាក់ (AQI) ឈ្មោះ Abu Bakr al-Baghdadi បានបញ្ជូនមេដឹកនាំរបស់ ANF ឈ្មោះ Muhammad al-Jawlani ទៅកាន់ប្រទេសស៊ីរី ដើម្បីរៀបចំក្រុមភេវរករតូចៗ ។ នៅខែមេសា ឆ្នាំ ២០១៣ al-Jawlani បានស្បថសច្ចាប្រណិធានចំពោះមេដឹកនាំអាល់កៃដា (AQ) ឈ្មោះ Ayman al-Zawahiri ។ ANF បានផ្តាច់ខ្លួនពីក្រុម AQI ហើយក្លាយជារណសិរ្សឯករាជ្យមួយ ។ នៅខែមករា ឆ្នាំ ២០១៧ ANF បានចូលរួមជាមួយក្រុមប្រឆាំងក្បាលរឹងជាច្រើនផ្សេងទៀត ដើម្បីបង្កើតជាក្រុម Hayat Tahrir al-Sham (HTS) ។ ANF នៅតែជាសាខារបស់ក្រុមអាល់កៃដានៅក្នុងប្រទេសស៊ីរី ។
គោលបំណងដែលបានលើកឡើងរបស់រណសិរ្ស ANF គឺត្រូវទម្លាក់របបដឹកនាំរបស់លោក Assad របស់ប្រទេសស៊ីរី ហើយដាក់ជំនួសវិញដោយរដ្ឋឥស្លាមនិកាយស៊ុននី ។ ANF ប្រមូលផ្តុំក្នុង និង ត្រួតត្រាដែនដីមួយចំណែកក្នុងប្រទេសស៊ីរី ភាគពាយ័ព្យ ដែលនៅទីនោះក្រុមនេះគឺជាកម្លាំងប្រឆាំងដ៏សកម្ម ហើយប្រើប្រាស់កម្រិតឥទ្ធិពលផ្សេងៗមកលើអភិបាលកិច្ចក្នុងតំបន់ និងការរៀបចំផែនការសម្ងាត់ខាងក្រៅ ។ ANF បានធ្វើការវាយប្រហារជាច្រើន នៅពាសពេញប្រទេសស៊ីរី ជាញឹកញាប់គឺយកជនស៊ីវិលជាគោលដៅ ។
នៅថ្ងៃទី ១៥ ខែឧសភា ឆ្នាំ ២០១៤ ក្រសួងការបរទេសសហរដ្ឋអាមេរិក បានកំណត់រណសិរ្ស ANF ថាជា អង្គការភេវរករបរទេស ក្រោមជំពូក ២១៩ នៃច្បាប់ស្តីពីអន្តោប្រវេសន៍ និង សញ្ជាតិ ដូចដែលបានធ្វើវិសោធនកម្ម ។ កាលពីមុន នៅថ្ងៃទី ១៤ ខែឧសភា ឆ្នាំ ២០១៤ ក្រសួងការបរទេសបានកំណត់រណសិរ្ស ANF ថាជា ភេវរករសកលមុខសញ្ញាពិសេស ស្របតាមបទបញ្ជាដាច់ណាត់ លេខ ១៣២២៤ ដូចដែលបានធ្វើវិសោធនកម្ម ។ ជាលទ្ធផល ទ្រព្យសម្បត្តិទាំងអស់របស់រណសិរ្ស ANF និង ផលប្រយោជន៍ដែលបានមកពីទ្រព្យសម្បត្តិ ដែលស្ថិតក្រោមដែនយុត្តាធិការរបស់សហរដ្ឋអាមេរិក ត្រូវបានបិទ ហើយជាទូទៅ ពលរដ្ឋអាមេរិកត្រូវបានហាមឃាត់មិនឲ្យពាក់ព័ន្ធនឹងប្រតិបត្តិការណាមួយជាមួយរណសិរ្ស ANF ឡើយ ។ វាគឺជាបទឧក្រិដ្ឋមួយក្នុងការផ្តល់ ឬ ប៉ុនប៉ង ឬ សមគំនិតផ្តល់ ដោយដឹងខ្លួនមុន នូវការគាំទ្រជាសម្ភារ ឬ ធនធានទៅឲ្យរណសិរ្ស ANF ។
