Wanda ake nema
Bayani wanda zai kawo hukunci…

Ibrahim Haji Jama

Tukuicin Da Ya Kai Na Dala Milyan 5

Shina Ibrahim Haji Jama yana cikin mutanen da suka kafa kungiyar Harakat Shabaab al-Mujahidin kuma shi babban ne a tsakanin shugabannin al-Shebaab.kamar yadda aka sha yayatawa a kafafen watsa labarai, a cikin watan Mayun 2010 ne Jama yayi wa Shebaab shugabancin hukumar yankin Jubba. Yayi shekaru da dama yana yaki a Afghanistan, har aka lakkaba mishi sunan al-Afghani (watau Dan Afghamistan)

Al-Shabaab itace bangare mayaka na Majalisar Kotunan Somalia wacce ta kwace aksarin sassan kudancin Somalia a rabin karshe na shekarar 2006. Al-Shebaab ta ci gaba da gudanarda aiyukkanta na ta’addanci a sassan kudanci da tsakiyar Somalia. Kungiyar ta sha daukan alhakin kai hare-haren bama-bammai barkattai – cikinsu har da na kunar bakin wake – a Mogadishu da tsakiya da arewancin Somalia, inda dsau da yawa takan auna jami’an Gwamnatin Somalia da wadanda ake ganin kamar kawaye ne ga Gwamnatin Wucingadin (TFG) ta Somalia. Mai yiyuwa ne al-Shebaab ce ta kai wasu hare-hare guda biyar na kunar bakin wake da aka kai a watan Oktobar 2008 akan wasu birane biyu na arewancin Somalia, inda aka kashe mutane 26, aka raunana wasu 29. Haka kuma al-Shebaab ce ta kai tagwayen hare-haren kunar bakin wake a Kampalar Uganda a ran 11 ga watan Yulin 2010, inda mutane fiyeda 70 suyka hallaka, ciki harda Ba’Amurke daya. Wannan kungiyar ce ke da alhakin kashe ‘yan hankoron neman sauyi barkattai, ma’aikatan bada agaji, tarin manyan jagabannin jama’a fararen hula da ‘yanjarida. A cikin watan Febrairun 2012 ne al-Shebaab da al-Qaida suka bada sanarwar kulla kawance a tsakaninsu.

AA ran 26 ga watan Fabrairun 2008 ne Ma’aikatar Harakokin Waje Amurka ta kaddamarda al-Shebaab a matsayin Kungiyar Ta’addanci ta Kasashen Waje a karkashin Sashe na 219 na Dokar Shige da Fice da Zama Dan Kasa (kamar yadda aka gyara ta), da kuma kaddamarda da ita a matsayin Kungiyar Ta’addanci ta Musamman a karkashin Dokar Hukuma mai lamba 13224 ran 29 ga watan Fabrairu na 2008.