Lada Don Adalci na ba da tayin lada da ya kai dalar Amurka miliyan biyar don bayanai kan Abu Huzeifa, wanda kuma aka sani da Higgo, saboda rawar da ya taka a harin Tongo Tongo na Nijar a 2017. Abu Huzeifa kwamanda ne a ƙungiyar ISIS A Babban Yankin Sahara (ISIS-Greater Sahara – ISIS-GS).
A ranar 4 ga Oktoban 2017, a kusa da ƙauyen Tongo Tongo da ke Nijar, mayaƙa masu alaƙa da ISIS-GS suka kai hari kan mambobin Dakarun Amurka na Musamman da ke horarwa da kuma ba wa sojojin Nijar shawara kan yaƙi da ta’addanci. Harin ya jawo mutuwar sojan Amurka huɗu da na Nijar huɗu. An raunata ƙarin Amurkawa biyu da kuma ‘yan Nijar takwas a harin. A ranar 12 ga watan Janairun 2018, shugaban ISIS-GS Adnan Abu Walid al-Sahrawi ya ɗauki alhakin kai harin.
