دہشت کناغ
معلومات بری باروا۔۔۔

آی اس آی اس جیئنتنئ نیٹ ورک

آمریکہ کومین بخششئ دپتر بہ عدالتئ پروگرامئ سیائگا پہ ھر مردمئ کہ بہ آی اس آی اس جیئنتنئ نیٹ ورک باروا یا بہ ھما مردمانی باروا کہ پہ عیسوین مذھبین سربراھانی جیئنتنا زموار بوتگنت معلومات دنت ۵ ملین ڈالرئ بخششی دنت، ای مذھبین سربراھانی نام انت ماھر محفوظ، مایکل کایال، گرگوریوس ابراھیم، بولوس یازیگی، پاولو دال اولیگو۔ ای بخششی آنی جار بہ یک اھمین وھدہ جتگ بوتہ کہ ما گون آی اس آی اس آ بہ لڑگا انت۔ آی اس آی اس ای کار کہ مذھبین سربراھانا جیئنتگیت آی ظالمین ٹکٹیک آنا درا کنت و ھمی وڑا پہ آوان اجازت دنت کہ بی گناھین مردمانا نشان گرنت۔

بہ ۲۰۱۳ سالئ فرورئ ۹ تاریخا، یونانی قدامت پرست ئن عیسوین مذھبین سربراہ ماھر محفوظ و آرمانین کاتولیک ئن عیسوین مذھبین سربراہ مایکل کایال بہ سوریہ، کفرون سیمان یک عامین بس تھا سوار بوتنت و دیم بہ وتی عبادتگاہ رادگ اتنت۔ چیزئ کم ۳۰ کیلومٹر ڈنا شہ حلب شھرا، شک انت کہ آی اس آی اس شدت پسند ای موٹر آ اوشتارینتنت و مُچین مساپرانی کاگدانا چک کرتنت، و رندا دو مذھبین سربراھانا شہ بس تھا پیادگ کرتنت۔ شہ آ وھدہ تہ نون آوان نہ دیستگ بوتگنت نہ شہ آوان گجام احوالئ رستگیت۔

بہ ۲۰۱۳ سالئ، اپریل ۲۲ تاریخا، سورین قدامت پرستین عیسوین مذھبین سربراہ گرگوریوس ابراھیم شہ حلب ، سوریہ بہ ترکیہ دورہ کرت کہ گون وت قدامت پرستین یونانی عیسوین مذھبین سربراہ بولوس یازیگی آ بیاریت۔ وھدہ کہ آوان بہ سوریہ، المنصورہ جاگہ بہ چک پوئینٹ سرا رستنت چُنتی سلیحبندین مردم ای مذھبین سربراھانی سرا ھلگر کرتنت و آوانی موٹرا گپتنت۔ ای مذھبین سربراھانئ موٹرئ ڈریور رندا پھدیی جتگ بوت و آ کشتگ بوتت۔ اول سرا بری پکر و حیالا اتنت کہ ای مذھبین سربراھانا، جبھت النصرہ فرنٹ کہ گون القاعدہ ڈلا یکجا انت جیئنتگیت و رندا پہ داعش ڈلا داتگیت کہ بہ آی اس آی اس ناما مشھور انت۔

بہ ۲۰۱۳ سالئ جولائ ماہ، ۲۹ تاریخا آی اس آی اس شہ رقہ شھرئ تھا ایتالیائین عیسوین مذھبین سربراہ پائولو دل اولیگو آ جیئنتگیت۔ فادر دالل اولیگو پلان کرتت کہ گون آی اس آی اس دیدار کنت و لوٹوک بیت شہ آوان کہ فادر محفوظ، فادی کایال و ارچ بیشوپ ابراھیم و یازیگی آ آزات بکننت۔ شہ آ وھدہ تہ نون آوانئ پھد جتگ نہ بوتہ و ایچ احوالئ شہ آوان نہ انت۔

نون ھم آی اس آی اس یک اھمین خطرہ پہ آمریکہ، ھمی وڑا دیگہ شریک و اتحادیان بہ شرق میانہ تھا و عالمئ مُچین سیمان انت۔ ما وتی نیمہ داری آ شہ وتی عراقی و سورین شریکانی کوشستان رادگ ساتنت کہ گون ای دھشت گردین لعنت آ بہ لڑگا انت و ھمی وڑا وتی تعاون آ گون عالمین براسداری آ رادگ ساتنت کہ پہ آی اس آی اس آ بہ عالمئ ایچ جاگہ امنئن کودوگ داتگ مہ بیت۔ آی اس آی اس بہ ۲۰۰۴ سالئ تھا بہ ابو مصعب الزرقوی سروکیا جور بوت و اول سرا آی نام “ القاعدہ بہ عراق” یا آ کیو آی ات۔ ای ڈل رندا “اسلامین اسٹیٹ اف عراق” نام داتگ بوت۔

آی اس آی اس شہ عالمئ مُچین سیمان چُنتی ھزار پیروکار ملازم کرت کہ بہ عراق و سوریہ تھا پہ آی جنگ کننت، بری سیمان آی اس آی اس باسک سیسٹماٹیک ئن وڑئ بنیادمین حکانا پادموش کرتنت و دیگہ مردم کشی آنا تسر کرتنت۔ آی اس آی اس باسک بہ برزین کچانہ مردم کشی کرتگنت و گونڈکانا ٹپی کرتن، تجاوز، بنیادمانی قچاق و دیگہ تشدد پسندین کارانا بہ مردمان و پورہ ئن کومانی حلاپا تسر کرتگنت۔ بہ ھما سیمان کہ ای ڈل کنٹرلئ چیرا داشتیزیدی، مسیحی و شیعہ ئن مسلمانانی حلاپا آی اس آی اس مردم کشئ ذموار انت، و بہ دیگہ ڈلانی حلاپا ھم چو مسلمان ئن سنی، کرد و دیگہ اقلیتانی حلاپا ھم کومین مردم کشئ تسر کرتگیت و دیگہ جرم ھم بہ بنیادمین حکانی حلاپا تسر کرتگیت۔ بہ ۲۰۱۳ سالئ اپریل ماہ، ابوبکر البغدادی، آی اس آی اس نونین سربراہ عامین و رسمین وڑئ جار جت کہ اسلامیک اسٹیٹ اف عراق بہ آی اس آی اس نامئ سیائگا بہ وتی کاران موشکول انت۔ بہ ۲۰۱۴ سالئ جون ماہ، آی اس آی اس کہ ھمی وڑا بہ داعش ناما دروست بیت سوریہ و عراقئ چُنتی سیمانی کنٹرل آ بہ دست آ گپت و شہ وتی اسلامین حکومتئ جارا جت و البغدادی آ وتئ سربراہ ناما دات۔ بہ نونین گئوستگین سالان، آی اس آی اس جھادی ڈلان و تشدد پسندین مردمانی مددا گپتگیت کہ شہ ایشی وجا آمریکہ تھا ھم ھلگر تسر بوتگنت۔

دیگا تصویر

ISIS Kidnapping Networks - English
ISIS Kidnapping Networks - French
ISIS Kidnapping Networks - Kurdish
ISIS Kidnapping Networks
Mahfouz
Kayyal
Gregorios
Yazigi
Paulo