የሚፈለጉ
ፍትህ የሚያመጣ መረጃ…

ኢብራሂም ሀጂ ጀማ

እስከ $5 ሚሊዮን የአሜሪካ ዶላር የሚደርስ ወሮታ

ኢብራሂም ሀጅ ጀማ የሀረካት ሸባብ አል ሙጃሂዲን ሌላ መሥራች ነው፣እናም በአልሸባብ አንጋፋ መሪ ነው። በግንቦት 2010 በሰፊው እንደታወቀው ጀማ የአልሸባብን የጁባ ሸለቆ አስተዳደር በኪስማዮ ሆኖ መርቶአል። እርሱም በአፍጋኒስታን ብዙ ዓመታት ኖሮአል በዚያም ምክንያት አፍጋናዊ የሚል የቅጽል ስም አለው።

አልሸባብ በ2006 አጋማሽ ደቡብ ሶማሊያ የተቆጣጠረው የሶማሊያ እስላማዊ ፍ/ቤቶች የወታደራዊ ክንፍ ነበረ። አልሸባብ አመጸኛ ተግባሩን በደቡብና በማዕከላዊ ሶማሊያ ቀጥሎበታል። ቡድኑ፣ በዋናኛው የሶማሊያ ማዕከላዊ መንግስትንና የሶማሊያ ፌዴራሉን የሽግግር መንግሥት የሚደግፉትን ኢላማ በማድረግ በደቡብና በማዕከላዊ ሶማሊያ የተለያዩ የአጥፍቶ ጠፊ ቦምብ ጥቃቶች ጨምሮ በርካታ የቦምብ ድብደባ እንደካሄደ ኃላፊነቱ ወስዶአል። አልሸባብ በ2008 በሰሜን ሶማሊያ በሁለት ከተማዎች ኢላማዎች አድርጎ ቢያንስ 26 ሰዎችን ገድሎ ሌሎች 29 ሰዎችን ላቆሰሉ በአንድ ጊዜ ለአምስት ለተቀነባበሩ የአጥፍቶ ጠፊ የቦምብ ጥቃቶች ተጠያቂ ሊሆን ይችላል። አልሸባብ በሀምሌ 11፣2010 በካምፓላ፣ኡጋንዳ አንድ አሜሪካዊን ጨምሮ ከ70 ሰዎች በላይ ለገደለው ለመንታ የአጥፍቶ ጠፊ የቦምብ ፍንዳታ ተጠያቂ ነበረ። ቡድኑ የሶማሊያ የሰላም አቀንቃኞችን፣ዓለም አቀፍ የዕርዳታ ሠራተኞችን፣በርካታ የሲቭል ማህበረሰብ ተዋቂ ሰዎችንና ጋዜጠኞችን ለመግደሉ ተጠያቂ ነው። በየካቲት 2012፣አልሸባብና አልቀይዳ መደበኛ ትብብራቸውን ይፋ አድርገዋል።

የአሜሪካ የገንዘብ ሚንስቴር፣በክፍል 219 በእምግሬሽንና የዜግነት ህግ በየካቲት 26፣2008 (እንደተስተካከለው) በሥራ መመሪያ ትዕዛዘ (Executive Order) 13224. መሠረት በየካቲት 29፣2008 አል ሸባብን በተለየ ሁኔታ ዓለም አቀፍ አሸባሪ ድርጅትእንደ ሆነ ፈርጆታል።