የሚፈለጉ
ፍትህ የሚያመጣ መረጃ…

በሺር መሀመድ መህሙድ

እስከ $5 ሚሊዮን የአሜሪካ ዶላር የሚደርስ ወሮታ

በሺር መሀመድ መህሙድ የሀረካት ሸባብ አል ሙጃሂዲን (አልሸባብ) ወታደራዊ አዛዥ ነው። ከ2008 መጨራሻ አካባቢ ጀምሮ፣በግምት ከ10 የአልሸባብ አመራር ምክር ቤት አባላት አንዱ ነበረ። መህሙድና አንድ አጋሩ በሰኔ 10፣2009 በሶማሊያ ፌዴራሉ የሽግግር መንግሥት (TGF) ላይ የመድፍ ጥቃት አካሄደው ነበረ።በተጨማሪ፣ከ2007 ጀምሮ በሶማሊያ የአልቀይዳ ተግባሮችን አቀነባብሮአል። በሚያዚያ 2010፣ መህሙድ በሶማሊያ አመጽ በማነሳሳትና ለደህንነት ማሽቆልቆል አስተዋጽኦ በማድረጉ የአሜሪካ የገንዘብ ሚንስቴር በሥራ መመሪያ ትዕዛዘ (Executive Order) 13536.አው መሀመድን በልዩ ሁኔታ ፈርጆታል።

አልሸባብ በ2006 አጋማሽ ደቡብ ሶማሊያ የተቆጣጠረው የሶማሊያ እስላማዊ ፍ/ቤቶች የወታደራዊ ክንፍ ነበረ። አልሸባብ አመጸኛ ተግባሩን በደቡብና በማዕከላዊ ሶማሊያ ቀጥሎበታል። ቡድኑ፣ በዋናኛው የሶማሊያ ማዕከላዊ መንግስትንና የሶማሊያ ፌዴራሉን የሽግግር መንግሥት የሚደግፉትን ኢላማ በማድረግ በደቡብና በማዕከላዊ ሶማሊያ የተለያዩ የአጥፍቶ ጠፊ ቦምብ ጥቃቶች ጨምሮ በርካታ የቦምብ ድብደባ እንደካሄደ ኃላፊነቱ ወስዶአል። አልሸባብ በ2008 በሰሜን ሶማሊያ በሁለት ከተማዎች ኢላማዎች አድርጎ ቢያንስ 26 ሰዎችን ገድሎ ሌሎች 29 ሰዎችን ላቆሰሉ በአንድ ጊዜ ለአምስት ለተቀነባበሩ የአጥፍቶ ጠፊ የቦምብ ጥቃቶች ተጠያቂ ሊሆን ይችላል። አልሸባብ በሀምሌ 11፣2010 በካምፓላ፣ኡጋንዳ አንድ አሜሪካዊን ጨምሮ ከ70 ሰዎች በላይ ለገደለው ለመንታ የአጥፍቶ ጠፊ የቦምብ ፍንዳታ ተጠያቂ ነበረ። ቡድኑ የሶማሊያ የሰላም አቀንቃኞችን፣ዓለም አቀፍ የዕርዳታ ሠራተኞችን፣በርካታ የሲቭል ማህበረሰብ ተዋቂ ሰዎችንና ጋዜጠኞችን ለመግደሉ ተጠያቂ ነው። በየካቲት 2012፣አልሸባብና አልቀይዳ መደበኛ ትብብራቸውን ይፋ አድርገዋል።

የአሜሪካ የገንዘብ ሚንስቴር፣በክፍል 219 በእምግሬሽንና የዜግነት ህግ በየካቲት 26፣2008 (እንደተስተካከለው) በሥራ መመሪያ ትዕዛዘ (Executive Order) 13224. መሠረት በየካቲት 29፣2008 አል ሸባብን በተለየ ሁኔታ ዓለም አቀፍ አሸባሪ ድርጅትእንደ ሆነ ፈርጆታል።