ወሮታ ለፍትሕ የሒዝባላ የገንዘብ ማግኛ ዘዴዎችን ለማቃወስ መረጃ ለሚሰጥ እስከ $10 ሚሊዮን ወሮታ ይከፍላል፡፡ አሊ ሳዴ በጊኒ የሚንቀሳቀስ የሂዝባላህ ገንዘብ አቅራቢ ወይም ፋይናንሰር ነው፡፡ ሳዴ ከጊኒ ወደ ሂዝባላ የሚደረገውን ገንዘብ ማስተላለፍ ያካሂዳል፤ ይህም ማለት በጊጂ እና ሊባኖስ ከሚገኙ የሂዝባላህ ወኪሎች ገንዘብ ያስተላልፋል፡፡

በቅርቡ በ2012 ዓ.ም. ሳዴ እና የሂዝባላህ ገንዘብ አቅራቢ ኢብራሂም ጣህር እንዲሁም ሌሎች በጊኒ የሚንቀሳቀሱ ሊባኖሳዊ ነጋዴዎች በርካታ መጠን ያለው ገንዘብ በመያዝ በልዩ በረራ ከጊኒ ወደ ሊባኖስ በርረዋል፡፡ ቡድኑ ይህ ገንዘብ የሚውለው በሊባኖስ የኮቪድ-19 ሁኔታን ለማገዝ ብሏል፡፡ ቀደም ሲልም የኮቪድ-19 እርዳታ ለሂዝባላህ ከጊኒ ወደ ሊባኖስ ገንዘብ ለማስተላለፍ እንደ ሽፋን አገልግሏል፡፡

ሳዴ የአሳ ማጥመጃ ጀልባዎችን ለሕገ ወጥ እንቅስቃሴዎች ለምሳሌ ናርኮቲክ ለማዘዋወር እንደሚጠቀም ይጠረጠራል፡፡

በየካቲት 25 ቀን 2014 ዓ.ም.፣ የዩናይትድ ስቴትስ የገንዘብ ሚኒስቴር ሳዴ ለሂዝባላህ የማቴሪያል እገዛ፣ ስፖንሰር በማድረግ ወይም የቁሳቁስ ወይም የአገልግሎቶች ወይም ሌሎች ድጋፎችን ለሂዝባላህ ለማቅረብ የገንዘብ፣ የማቴሪያል ወይም የቴክኖሎጂ ድጋፍ በማድረግ ምክንያት ልዩ አለምአቀፍ ሽብርተኛ በማለት በስራ አስፈፃሚ ትእዛዝ (ኤክዘኪውቲቭ ኦርደር) 13224 እንደተሻሻለው መዝግቦታል፡፡ በዚህም መሰረት ሌሎች እርምጃዎች እንደተጠበቁ ሆነው በዩናይትድ ስቴትስ አስተዳደር ወሰን ውስጥ የሚገኙ የሳዴ ንብረቶች እና ጥቅሞች ሁሉ ታግደዋል፣ ማናቸውም የዩናይትድ ስቴትስ ሰዎች ከሳዴ ጋር በምንም አይነት ልውውጥ ላይ መሳተፍ አይፈቀድላቸውም፡፡ በተጨማሪም በዩናይትድ ስቴትስ በውጭ አገር የሚገኝ ሽብርተኛ ድርጅት በሚል ለተመዘገበው ሂዝባላህ ሆን ብሎ የማቴሪያል ወይም የሀብቶች አቅርቦት ማድረግ፣ ወይም ለማቅረብ መመሳጠር የተከለከለ ወንጀል ነው፡፡